നിർധനരായ കാൻസർ രോഗികൾക്ക് കൈത്താങ്ങായി ഒരു പുസ്തകം
by admin | January 20, 2023 5:43 am
നിർധനരായ കാൻസർ
രോഗികൾക്ക്
കൈത്താങ്ങായി ഒരു
പുസ്തകം
*
കൊച്ചി : കഠിനമായ വേദനകൾക്കിടയിലും ഒരു ദിവസം പോലും മുടക്കം വരാതെ തിരുവോസ്തി സ്വീകരിച്ച് ദിവ്യകാരുണ്യ ഈശോയോടുള്ള തന്റെ സ്നേഹം ലോകത്തിന് കാട്ടി തന്നു കൊണ്ട് സ്വർഗീയ ഭവനത്തിലേക്ക് യാത്രയായ അജ്ന ജോർജ്.
കാൻസർ പിടി മുറുക്കിയപ്പോഴും ക്രിസ്തുവിന്റെ കൈകൾ മുറുകെ പിടിച്ച് പുഞ്ചിരിയോടെ മരണത്തിലേക്ക് നടന്നു നീങ്ങിയ അജ്ന എന്ന യുവതിയുടെ ജീവിതം ദൈവ സ്നേഹത്തിൻറെ ഉദാത്ത മാതൃകയാണ്.. വരാപ്പുഴ അതിരൂപതയുടെ മകളായ അവളുടെ ജീവിതം മുഴുവൻ ഒപ്പിയെടുത്ത മനോഹരമായ ഒരു പുസ്തകം ഈശോക്കൊച്ച് – ഈശോയുടെ സ്വന്തം അജ്ന എന്ന പേരിൽ കേരളവാണി പബ്ലിക്കേഷൻസ് പ്രസിദ്ധീകരിക്കുകയുണ്ടായി. റവ ഡോ. വിൻസെന്റ് വാരിയത്താണ് പുസ്തകത്തിന്റെ രചന നിർവഹിച്ചത്. വരാപ്പുഴ അതിരൂപത മെത്രാപ്പോലീത്ത മോസ്റ്റ് റവ. ഡോ. ജോസഫ് കളത്തിപ്പറമ്പിൽ പിതാവാണ് പ്രകാശനകർമം നിർവഹിച്ചത്. പുസ്തക പ്രകാശന വേളയിൽ ഇതിൽനിന്ന് ലഭിക്കുന്ന തുക മുഴുവൻ അജ്നയെ പോലെ കാൻസർ ബാധിച്ച രോഗികൾക്ക് ചികിത്സാ സഹായം നൽകുമെന്ന് കളത്തിപറമ്പിൽ പിതാവ് ഉറപ്പുനൽകിയിരുന്നു. അതനുസരിച്ച് ബുക്ക്‌ വില്പന നടത്തി കിട്ടിയ തുക ഇന്ന്
മെത്രാസന മന്ദിരത്തിൽ വച്ച് ക്യാൻസർ രോഗികൾക്ക് ധനസഹായം നൽകുന്ന ഇ എസ് എസ് എസ് ന്റെ ആശാകിരണം പദ്ധതിയിലേക്ക് നൽകുകയുണ്ടായി. ഇ എസ് എസ് എസ് ഡയറക്ടർ റവ. ഫാ. മാർട്ടിൻ അഴിക്കകത്ത് കളത്തിപറമ്പിൽ പിതാവിൽ നിന്ന് 3 ലക്ഷം രൂപയുടെ ചെക്ക് ഏറ്റുവാങ്ങി. മോൺ. മാത്യു ഇലഞ്ഞിമിറ്റം, ചാൻസിലർ വെരി. റവ. ഫാ. എബിജിൻ അറക്കൽ, റവ. ഡോ. വിൻസന്റ് വാര്യത്ത് കേരളവാണി ഡയറക്ടർ ഫാ. സോജൻ മാളിയേക്കൽ അസോസിയേറ്റ് ഡയറക്ടർ ഫാ. റോക്കി ജോസ്ലിൻ, ഫാ. ലിക്സൺ അസ്വേസ്, ഫാ. ഡിനോയ് റിബേര, കേരളവാണി സ്റ്റാഫായ റെക്സി ഡോമിനിക്, റീജന്റ് ബ്രദർ എബിൻ വിൻസെന്റ് എന്നിവർ ചടങ്ങിൽ സന്നിഹിതരായിരുന്നു. അജ്നയുടെ ഒന്നാം ചരമാവാർഷികം തൈകൂടം st റാഫേൽ പള്ളിയിൽ വച്ച് ജനുവരി 21-ആം തീയതി ശനിയാഴ്ച 11 മണിക്കുള്ള ദിവ്യബലിയോടുകൂടെ നടത്തപെടുകയാണ്.
Source URL: https://keralavani.com/%e0%b4%a8%e0%b4%bf%e0%b5%bc%e0%b4%a7%e0%b4%a8%e0%b4%b0%e0%b4%be%e0%b4%af-%e0%b4%95%e0%b4%be%e0%b5%bb%e0%b4%b8%e0%b5%bc-%e0%b4%b0%e0%b5%8b%e0%b4%97%e0%b4%bf%e0%b4%95%e0%b5%be%e0%b4%95%e0%b5%8d%e0%b4%95/