വിശുദ്ധ   ക്രിസ്റ്റഫർ മഗലാനസ്       

വിശുദ്ധ   ക്രിസ്റ്റഫർ മഗലാനസ്

(  Saint Christopher Magallanes )

ഒരിക്കൽ മെക്സിക്കോ എന്ന രാജ്യത്തിൽ ക്രിസ്റ്റഫർ മഗലാനസ് എന്ന നല്ലൊരു വൈദികൻ ജീവിച്ചിരുന്നു.
അദ്ദേഹത്തിന് യേശുവിനെ വളരെ സ്നേഹമായിരുന്നു. ദൈവത്തെക്കുറിച്ച് കുട്ടികൾക്കും ഗ്രാമത്തിലെ ആളുകൾക്കും പഠിപ്പിക്കാനായിരുന്നു അദ്ദേഹത്തിന് ഏറ്റവും ഇഷ്ടം.

പക്ഷേ ആ സമയത്ത് മെക്സിക്കോയിൽ ക്രിസ്ത്യാനികൾക്ക് പ്രാർത്ഥിക്കാൻ ബുദ്ധിമുട്ടുണ്ടായിരുന്നു. ചിലർ പള്ളികൾ അടച്ചു, വൈദികരെ പീഡിപ്പിക്കുവാനും തുടങ്ങി.
എന്നാലും ഫാദർ ക്രിസ്റ്റഫർ ഭയപ്പെട്ടില്ല.

“ദൈവം നമ്മോടൊപ്പം ഉണ്ടല്ലോ,” എന്ന് അദ്ദേഹം എല്ലാവരോടും പറയും.

രാത്രികളിൽ ഒളിഞ്ഞുകൊണ്ട് അദ്ദേഹം വിശുദ്ധ കുർബാന അർപ്പിച്ചു.
കുട്ടികൾക്ക് പ്രാർത്ഥന പഠിപ്പിച്ചു.
പാവപ്പെട്ടവരെ സഹായിച്ചു.

ഒരു ദിവസം യാത്ര ചെയ്യുമ്പോൾ സൈന്യം അദ്ദേഹത്തെ പിടിച്ചു.
എന്നാലും ഫാദർ ക്രിസ്റ്റഫർ കോപിച്ചില്ല.
അദ്ദേഹം സൈനികർക്കുവേണ്ടിയും പ്രാർത്ഥിച്ചു.

മരിക്കുന്നതിന് മുമ്പ് അദ്ദേഹം പറഞ്ഞു:
“ഞാൻ നിരപരാധിയായിട്ടാണ് മരിക്കുന്നത്. എന്റെ രക്തം മെക്സിക്കോയിലെ സഹോദരങ്ങളെ ഒന്നിപ്പിക്കട്ടെയെന്ന് ഞാൻ ദൈവത്തോടു പ്രാർത്ഥിക്കുന്നു.”