സഭാ വാർത്തകൾ -19.02.23

സഭാ വാർത്തകൾ -19.02.23

 

വത്തിക്കാൻ വാർത്തകൾ

 

തുർക്കിയിലെയും സിറിയയിലെയും ജനങ്ങൾക്ക്  പാപ്പായുടെ സഹായം.

വത്തിക്കാൻ സിറ്റി :    ഫെബ്രുവരി 6-ന് സിറിയയിലും തുർക്കിയിലും ഉണ്ടായ ഭൂകമ്പത്തിൽ  41,000-ത്തിലധികം പേർ മരിക്കുകയും, പതിനായിരക്കണക്കിന് ആളുകൾക്ക് പരിക്കേൽക്കുകയും, നിരവധിപേർ ഭവനരഹിതരാകുകയും ചെയ്ത ഹൃദയഭേദകമായ അവസ്ഥയിൽ കത്തോലിക്കാ സഭയുടെ പരമാധ്യക്ഷൻ ഫ്രാൻസിസ് പാപ്പായുടെ നേരിട്ടുള്ള ഇടപെടൽ ലോകശ്രദ്ധയാകർഷിക്കുന്നു.

കത്തോലിക്കാ സഭയുടെ വത്തിക്കാനിലെ ഉപവി പ്രവർത്തനങ്ങളുടെ ഓഫീസായ ഡികാസ്റ്ററി ഫോർ ദ സർവീസ് ഓഫ് ചാരിറ്റി മുഖേന, തുർക്കിയിലും സിറിയയിലും ഭൂകമ്പത്തിൽ ദുരിതമനുഭവിക്കുന്നവർക്ക് പ്രാഥമിക സഹായം ഫ്രാൻസിസ് പാപ്പാ നൽകി.

 

അതിരൂപതാ വാർത്തകൾ

സ്നേഹഭവന സഹായ വിതരണം

കൊച്ചി :  ആർച്ബിഷപ്പ് ജോസഫ് കളത്തിപറമ്പിൽ പിതാവിന്റെ സ്വപ്ന പദ്ധതിയായ “സ്നേഹ ഭവനം ” സഹായ നിധിയിൽ നിന്ന് 36 കുടുംബങ്ങൾക്ക് സഹായ ധനം നൽകി. വരാപ്പുഴ അതിമെത്രാസന മന്ദിരത്തിൽ വച്ച് നടന്ന ചടങ്ങിൽ ജോസഫ് കളത്തിപറമ്പിൽ മെത്രാപോലീത്ത സഹായ ധന വിതരണം നിർവ്വഹിച്ചു. അതിരൂപതയുടെ ഇടയനായി സ്ഥാനം ഏറ്റെടുത്തതു മുതൽ ഭവന രഹിതരായി അതിരൂപതയിൽ ആരും ഉണ്ടാകരുത് എന്ന ലക്ഷ്യത്തോടെ പിതാവ് ആരംഭിച്ചതാണ് ഈ സ്നേഹഭവനം പദ്ധതി. നാനാ മതസ്ഥരായ കുടുംബങ്ങളാണ് ഈ പദ്ധതിയുടെ ഗുണഭോക്താക്കൾ. ഭവന പൂർത്തീകരണത്തിനാണ് ഈ സഹായ ധനം നൽകുന്നത്.

 

കേരള ലാറ്റിൻ കാത്തലിക് വിമൻസ് അസോസിയേഷൻ പത്താമത് ജനറൽ കൗൺസിലും തെരഞ്ഞെടുപ്പും നടന്നു.

ആലപ്പുഴ: കെ.എൽ.സി.ഡബ്ള്യു എ പത്താമത് ജനറൽ കൗൺസിലും തെരഞ്ഞെടുപ്പും ആലപ്പുഴ രൂപതയിൽ പൂങ്കാവ് സ്വർഗാരോപിത മാതാ തീർത്ഥാടക സെന്ററിൽ വച്ച് 2023 ഫെബ്രുവരി 13 ന് നടക്കുകയുണ്ടായി. രാവിലെ 9.30 സംസ്ഥാന പ്രസിഡന്റ് ശ്രീമതി ജെയിൻ ആൻസിൽ ഫ്രാൻസീസ് പതാക ഉയർത്തി ജനറൽ കൗൺസിലിന് തുടക്കം കുറിച്ചു. പൊതുസമ്മേളനം  ലെബർ, ഹെരിറ്റേജ് ആന്റ് കാനൻ ലോ കമ്മീഷൻ ചെയർമാൻ റൈറ്റ്. റവ.ഡോ. അലക്സ് വടക്കുംതല ഉത്ഘാടനം ചെയ്തു. സ്ത്രീ സംഘാടനം കാലഘട്ടത്തിന് അനിവാര്യമാണെന്നും സമൂഹത്തിന്റെയും രാഷ്ട്രത്തിന്റെയും സമഗ്ര വികസനത്തിന് തുല്യ പങ്കാളിത്തം വഹിക്കേണ്ടവരാണ് സ്ത്രീകൾ എന്നും അദ്ദേഹം തന്റെ ഉത്ഘാടന പ്രസംഗത്തിൽപറഞ്ഞു.


Related Articles

വല്ലാര്‍പാടം മരിയന്‍ തീര്‍ത്ഥാടനം സെപ്റ്റംബര്‍ 10-ന്

  വല്ലാര്‍പാടം മരിയന്‍ തീര്‍ത്ഥാടനം സെപ്റ്റംബര്‍ 10-ന്     ആയിരങ്ങൾ തീർത്ഥാടനമായി വല്ലാർപാടത്ത് ഒഴുകിയെത്തി. പ്രതിസന്ധികളിൽ ആശ്രയം ക്രൂശിതൻ്റെ അമ്മ മാത്രം:ആർച്ച് ബിഷപ്പ് ഡോ.ജോസഫ് കളത്തിപ്പറമ്പിൽ

സംഗീതത്തിലൂടെ അനേകരെ ദൈവസന്നിധിയിലേക്ക് അടുപ്പിച്ച വരാപ്പുഴ അതിരൂപത വൈദികനായ ഫാ. അലക്സ് ചിങ്ങംതറ നിര്യാതനായി

സംഗീതത്തിലൂടെ അനേകരെ ദൈവസന്നിധിയിലേക്ക് അടുപ്പിച്ച വരാപ്പുഴ അതിരൂപത വൈദികനായ ഫാ. അലക്സ്  ചിങ്ങന്തറ നിര്യാതനായി   കൊച്ചി : വരാപ്പുഴ അതിരൂപത വൈദികനായ ഫാ. അലക്സ്  ചിങ്ങന്തറ

അൽസാത്തി 2022′ – എട്ടേക്കർ തീർത്ഥാടന കേന്ദ്രത്തിൽ യുവജന ദിനാഘോഷം

അൽസാത്തി 2022′ – എട്ടേക്കർ തീർത്ഥാടന കേന്ദ്രത്തിൽ യുവജന ദിനാഘോഷം ആലുവ : എട്ടേക്കർ തീർത്ഥാടന കേന്ദ്രത്തിൽ യുവജന ദിനാഘോഷം നടത്തി. ദിനാചരണത്തിന്റെ ഭാഗമായി ‘അൽസാ ത്തി

No comments

Write a comment
No Comments Yet! You can be first to comment this post!

Write a Comment

<