സെന്റ് ആൽബർട്സ് കോളെജ് പ്ലാറ്റിനം ജൂബിലി നിറവിൽ.
സെന്റ്. ആൽബർട്സ് കോളെജ് പ്ലാറ്റിനം
ജൂബിലി നിറവിൽ. (1946-2021)
കൊച്ചി : വരാപ്പുഴ മെത്രാപ്പോലിത്ത ലെയോനാർഡ് മെല്ലാനോ പിതാവ് 1892 ഫെബ്രുവരി 1-ന്, 31 ആൺകുട്ടികളുമായി എറണാകുളം തുമ്പപ്പറമ്പിൽ ആരംഭിച്ചതാണ് സെന്റ്. ആൽബർട്സ് സ്കൂൾ. 1896 -ൽ മിഡിൽ സ്കൂൾ ആയി മാറുകയുണ്ടായി. 1897-ലാണ് ഈ സ്കൂളിന് ഇന്നു കാണുന്ന ഗോത്തിക്ക് ശൈലിയിലുള്ള കെട്ടിടങ്ങൾ പണി തീർത്തത്.
മെല്ലാനോ പിതാവ് 1891 ജനുവരി 2- ന് ഫാ. ബെർണാർഡ് അർഗുയിൻ സോണിസിനെ മാനേജർ ആയി നിയമിച്ചു. കൂനമ്മാവിൽ ആരംഭിച്ച സെന്റ്. ഫിലോമിനാസ് ഇംഗ്ലീഷ് മീഡിയം സ്കൂൾ, 1895-ൽ ഹൈസ്കൂൾ ആക്കി.
ബെർണാർഡ് അർഗുയിൻ സോണിസ് വരാപ്പുഴ മെത്രാപ്പോലിത്ത ആയിരിക്കുമ്പോൾ, 1898-ൽ സെന്റ്. ഫിലോമിനാസ് ഇംഗ്ലീഷ് മീഡിയം സ്കൂൾ, എറണാകുളം സെന്റ്. ആൽബർട്സ് സ്കൂളിലേക്ക് ലയിപ്പിച്ചു. അങ്ങനെ എറണാകുളം സെന്റ്. ആൽബർട്സ് സ്കൂൾ ഒരു സമ്പൂർണ്ണ ഹൈസ്കൂൾ ആയി മാറി.
ജോസഫ് അട്ടിപ്പേറ്റി പിതാവിന്റെ ത്യാഗപൂർണ്ണമായ ഉത്സാഹത്താൽ 1946 ജൂലൈ 16-ന് ഈ സ്കൂൾ, കോളേജ് ആയി ഉയർത്തപ്പെട്ടു. 150 വിദ്യാർത്ഥികളുമായി പഠനം ആരംഭിച്ചപ്പോൾ ഏറ്റവും അധികം സന്തോഷാശ്രു പൊഴിച്ചത് ജോസഫ് അട്ടിപ്പേറ്റി പിതാവ് ആയിരുന്നു.
1947 ഡിസംബർ 8-ന് അമേരിക്കയിലെ മിനോസോട്ടോ എന്ന സ്ഥലത്തു പൂജ്യം ഡിഗ്രിയിൽ താഴെ തണുപ്പത്തു, ഈ കോളെജ് മുഴുവൻ പണി തീർക്കാനുള്ള പൈസയ്ക്ക് വേണ്ടി അലഞ്ഞപ്പോൾ എഴുതിയ കത്ത് പ്രസിദ്ധമാണ്.
2021 ജൂലൈ 16-ന് 75 വർഷം തികയുന്ന ഈ വേളയിൽ ഈ കോളെജിനായി അധ്വാനിച്ചവരെയും സ്കൂൾ ആയിരുന്ന കാലത്ത് അവിടെ സേവനം അനുഷ്ഠിച്ച എല്ലാ കർമ്മലീത്ത മിഷണറിമാരെയും അവരുടെ ത്യാഗത്തെയും നന്ദിപ്പൂർവം സ്മരിക്കാം, വേണ്ട ആദരുവകൾ നല്കാം
Related Articles
വോട്ടവകാശം വിനിയോഗിക്കുക എന്നത് യഥാർത്ഥ പൗരന്റെ കടമ: ആർച്ച് ബിഷപ് ഡോ.ജോസഫ് കളത്തിപ്പറമ്പിൽ
കൊച്ചി: ജനാധിപത്യ പ്രക്രിയയിൽ പങ്കെടുത്ത് ശരിയായ വിധത്തിൽ വോട്ടവകാശം വിനിയോഗിക്കുക എന്നത് രാഷ്ട്രസ്നേഹമുള്ള ഒരു പൗരന്റെ കടമയാണെന്ന് വരാപ്പുഴ ആർച്ച് ബിഷപ് ഡോ.ജോസഫ് കളത്തിപറമ്പിൽ അഭിപ്രായപ്പെട്ടു.രാവിലെ എറണാകുളം
ആർച്ച് ബിഷപ്പ്അനുശോചനം അർപ്പിച്ചു
ആർച്ച് ബിഷപ്പ്അനുശോചനം അർപ്പിച്ചു കൊച്ചി : സാമൂഹ്യപ്രതിബദ്ധതയുള്ള ഒരു കലാകാരനായിരുന്നു ജോൺ പോൾ എന്ന് ആർച്ച് ബിഷപ്പ് ഡോ. ജോസഫ് കളത്തിപ്പറമ്പിൽ അനുസ്മരിച്ചു. കേരള സമൂഹത്തിന്
“പള്ളിക്കൊപ്പം പള്ളിക്കൂടം” എന്ന പദ്ധതിയുടെ ഉപജ്ഞാതാവായ ബെർണദീൻ ബെച്ചിനെല്ലി പിതാവിനെയും ചരിത്ര പാഠപുസ്തകത്തിൽ ഉൾപ്പെടുത്തുക : KCYM LATIN സംസ്ഥാന സമിതി
കേരള നവോത്ഥാന ചരിത്രത്തിലെ നാഴികക്കല്ലായ “പള്ളിക്കൊപ്പം പള്ളിക്കൂടം” എന്ന വിപ്ലവാത്മക പദ്ധതിയുടെ ഉപജ്ഞാതാവായ വരാപ്പുഴ ലത്തീൻ അതിരൂപത മെത്രാപ്പോലീത്ത ബെർണദീൻ ബെച്ചിനെല്ലി പിതാവിനെയും ചരിത്ര പാഠപുസ്തകത്തിൽ ഉൾപ്പെടുത്തുക.
