കരുതലിന്റെ ഫോൺ വിളിയുമായി ഒരു വികാരിയച്ചൻ :
by admin | April 19, 2020 12:40 pm
കൊച്ചി : കൊറോണ ബാധ സമ്മാനിച്ച ദുരിതവും ലോക് ഡൗൺ അടിച്ചേൽപ്പിച്ച ബന്ധനവും ഇടവക ജനങ്ങളെ പള്ളിയിൽ നിന്നും അകറ്റിയപ്പോൾ അവരെ തേടി അവരുടെ ഇടയനായ വികാരിയച്ചന്റെ ആശ്വാസത്തിന്റെയും കരുതലിന്റെയും ഫോൺ വിളി എത്തി . വരാപ്പുഴ അതിരൂപതയിലെ കടവന്ത്ര സെന്റ് . സെബാസ്റ്യൻ ഇടവക വികാരി ഫാ. ആന്റണി അറക്കൽ ആണ് , ഈ ലോക് ഡൗൺ കാലത്തിലെ സമയം ഉപയോഗപ്പെടുത്തി ഓരോ കുടുംബത്തിലേക്കും നേരിട്ടു ഫോൺ ചെയ്തു തന്റെ ഇടവക മക്കളുടെ ക്ഷേമം അന്വഷിക്കുകയും അവർക്കു ആശ്വാസത്തിന്റെ കരുതൽ നൽകുകയും ചെയ്തു മാതൃകയാകുന്നത് .
നമ്മുടെ തലമുറ ഒരിക്കലും കണ്ടിട്ടില്ലാത്ത ഒരു സാമൂഹിക അന്തരീക്ഷത്തിലൂടെയാണ് നമ്മൾ കടന്നു പോയ്കൊണ്ടിരിക്കുന്നതു . ഇവിടെ സാമ്പത്തീക പ്രശനം മാത്രമല്ല പരിഹരിക്കപ്പെടേണ്ടത് . ഇത്രയും നാൾ പരസ്പരം ഊഷ്മളമായ സാമൂഹിക ഇടപെടലുകൾ നടത്തിയവർ വളരെ പെട്ടെന്നു അകന്നു പോയപ്പോൾ അത് ഉണ്ടാക്കുന്ന മാനസീക ആഘാതം ചെറുതൊന്നുമല്ല . അതൊകൊണ്ട് തന്നെ വികാരിയച്ചന്റെ ഫോൺ വിളികൾക്കു നല്ല പ്രതികരണം ജനങ്ങൾ നൽകുന്നു .
” നിങ്ങൾ ഒറ്റക്കല്ല ഞാൻ കൂടെയുണ്ട് , പ്രശ്നങ്ങളെ നമുക്ക് ഒരുമിച്ചു അതിജീവിക്കാം ” എന്ന് വികാരിയച്ചനിൽ നിന്ന് കേൾക്കുമ്പോൾ അത് ഓരോ ഇടവക അംഗത്തിനും നൽകുന്ന സന്തോഷം ചെറുതൊന്നുമല്ല . ഇതിലൂടെ ഇടവക ജനങ്ങളുടെ പ്രശ്നങ്ങൾ നേരിട്ട് മനസിലാക്കുവാനും, സാധിക്കുന്ന വിധത്തിൽ ക്രിയാന്മക ഇടപെടൽ നടത്താനും അദ്ദേഹത്തിന് സാധിക്കുന്നുണ്ട് . ഇടവക ജനങ്ങൾക്കു ആശ്വാസവും ബലവും നൽകുന്ന ഒരു പ്രവർത്തിയായി ഇത് മാറി .
Source URL: https://keralavani.com/%e0%b4%95%e0%b4%b0%e0%b5%81%e0%b4%a4%e0%b4%b2%e0%b4%bf%e0%b4%a8%e0%b5%8d%e0%b4%b1%e0%b5%86-%e0%b4%ab%e0%b5%8b%e0%b5%ba-%e0%b4%b5%e0%b4%bf%e0%b4%b3%e0%b4%bf%e0%b4%af%e0%b5%81%e0%b4%ae%e0%b4%be%e0%b4%af/