കാരുണ്യം വാക്കിലും പ്രവർത്തിയിലും പ്രകടിപ്പിച്ച ഇടയനായിരുന്നു കാതോലിക്കാ ബാവ : ആർച്ച്ബിഷപ് കളത്തിപ്പറമ്പിൽ.

by admin | July 12, 2021 11:21 am

കാരുണ്യം വാക്കിലും പ്രവർത്തിയിലും പ്രകടിപ്പിച്ച ഇടയനായിരുന്നു

കാതോലിക്കാ ബാവ : ആർച്ച്ബിഷപ് കളത്തിപ്പറമ്പിൽ.

 

കൊച്ചി: മലങ്കര ഓർത്തഡോക്സ് സഭയുടെ പരമാധ്യക്ഷൻ പരിശുദ്ധ ബസേലിയോസ് മാർത്തോമാ പൗലോസ് ദ്വിതീയൻ കാതോലിക്കാ ബാവ വാക്കിലും പ്രവർത്തിയിലും കാരുണ്യം നിറച്ച ഇടയനായിരുന്നു എന്ന് വരാപ്പുഴ അതിരൂപത ആർച്ച്ബിഷപ് ഡോ. ജോസഫ് കളത്തിപ്പറമ്പിൽ അനുസ്മരിച്ചു. കഴിഞ്ഞ 11 വർഷത്തോളം മലങ്കര ഓർത്തഡോൿസ് സഭയുടെ അധ്യക്ഷനായി സഭയെ നയിച്ച അദ്ദേഹം റോമൻ കത്തോലിക്ക സഭയുമായും അടുപ്പം സൂക്ഷിച്ച വ്യക്തിയായിരുന്നു.

അദ്ദേഹത്തിന്റെ ഭരണകാലയളവിൽ പാവപ്പെട്ടവർക്കും അശരണർക്കും സാന്ത്വനമായി ഒത്തിരി പദ്ധതികൾ നടപ്പിലാക്കി. രോഗികളോടുള്ള അദ്ദേഹത്തിന്റെ കരുതലിന്റെ ഏറ്റവും വലിയ ഉദാഹരണമാണ് പരുമല കാൻസർ സെൻറർ. മനുഷ്യ സേവനത്തിലൂടെ ദൈവത്തെ മഹത്വപ്പെടുത്തിയ അദ്ദേഹത്തിന്റെ വിയോഗത്തിൽ ആർച്ച്ബിഷപ് കളത്തിപ്പറമ്പിൽ അനുശോചനം അറിയിച്ചു.

Source URL: https://keralavani.com/%e0%b4%95%e0%b4%be%e0%b4%b0%e0%b5%81%e0%b4%a3%e0%b5%8d%e0%b4%af%e0%b4%82-%e0%b4%b5%e0%b4%be%e0%b4%95%e0%b5%8d%e0%b4%95%e0%b4%bf%e0%b4%b2%e0%b5%81%e0%b4%82-%e0%b4%aa%e0%b5%8d%e0%b4%b0%e0%b4%b5%e0%b5%bc/

---