കോവിഡ് -19 മൂലം മരണമടഞ്ഞവരെ അനുസ്മരിച്ചു

by admin | November 16, 2021 6:25 am

കോവിഡ് -19 മൂലം

മരണമടഞ്ഞവരെ

അനുസ്മരിച്ചു

കൊച്ചി : വരാപ്പുഴ അതിരൂപതയിൽ നിന്നും കോവിഡ് 19 മൂലം മരണമടഞ്ഞവരെ അനുസ്മരിച്ചു കൊണ്ട് വരാപ്പുഴ അതിരൂപത മെത്രാപ്പോലീത്ത ഡോ. ജോസഫ് കളത്തിപറമ്പിൽ പിതാവിന്റെ മുഖ്യകാർമികത്വത്തിൽ ദിവ്യബലി അർപ്പണം നടത്തി.

വരാപ്പുഴ അതിരൂപത ബിസിസി ഡയറക്ടറേറ്റിന്റെ നേതൃത്വത്തിൽ അതിരൂപതയുടെ 8 ഫോറോനകളിലായി അനുസ്മരണ ചടങ്ങ് നടത്തിയതിനു ശേഷമാണ് അതിരൂപതതലത്തിൽ കോവിഡ് 19 മൂലം മരണമടഞ്ഞവർക്ക് വേണ്ടിയുള്ള അനുസ്മരണ ദിവ്യബലി നടത്തിയത്.

ദിവ്യബലി  മധ്യേ  ഫാ. ജോസഫ് തട്ടാരശ്ശേരി വചനപ്രഘോഷണം നടത്തി. വികാർ ജനറൽമാരായ മോൺ. മാത്യു കല്ലിങ്കൽ, മോൺ. മാത്യു ഇലഞ്ഞിമിറ്റം,. ഒ സി ഡി പ്രൊവിൻഷ്യൽ ഫാ. തോമസ് മരോട്ടിക്കൽ, ഒ എസ് എ റീജിയണൽ വികാർ ഫാ. ഷിജു കല്ലറക്കൽ,ബിസിസി ഡയറക്ടർ ഫാ. ആന്റണി അറക്കൽ, വൈദീകർ, സന്യസ്തർ തുടങ്ങിയവർ സന്നിഹിതരായി. കോവിഡ് 19 മൂലം മരണമടഞ്ഞവരുടെ ബന്ധുക്കൾ, മറ്റു വിശ്വാസികൾ എന്നിവർ ചടങ്ങിൽ പങ്കെടുത്തു.

Source URL: https://keralavani.com/%e0%b4%95%e0%b5%8b%e0%b4%b5%e0%b4%bf%e0%b4%a1%e0%b5%8d-19-%e0%b4%ae%e0%b5%82%e0%b4%b2%e0%b4%82-%e0%b4%ae%e0%b4%b0%e0%b4%a3%e0%b4%ae%e0%b4%9f%e0%b4%9e%e0%b5%8d%e0%b4%9e%e0%b4%b5%e0%b4%b0%e0%b5%86/

---