by admin | January 6, 2023 6:05 am
ബെനഡിക്ട് പതിനാറാമൻ പാപ്പ
നിർമ്മലമായ
വ്യക്തിത്വത്തിന് ഉടമ:
അർച്ച്ബിഷപ്പ് ഡോ.ജോസഫ്
കളത്തിപ്പറമ്പിൽ
കൊച്ചി : ബെനഡിക്ട് പതിനാറാമൻ പാപ്പ നിർമ്മലമായ വ്യക്തിത്വത്തിന് ഉടമയാണെന്ന് ആർച്ച്ബിഷപ്പ് ഡോ. ജോസഫ് കളത്തിപറമ്പിൽ അനുസ്മരിച്ചു.
കാലം ചെയ്ത ബെനഡിക്ട് പതിനാറാമൻ പാപ്പായുടെ സ്മരണയ്ക്കായി വരാപ്പുഴ അതിരൂപതയുടെ നേതൃത്വത്തിൽ എറണാകുളം സെന്റ് ഫ്രാൻസിസ് അസീസി കത്തീഡ്രലിൽ പ്രാർത്ഥനാ ശുശ്രൂഷയും തുടർന്ന് നിശബ്ദമായുള്ള മെഴുകുതിരി പ്രദക്ഷിണവും അനുസ്മരണയോഗവും നടന്നു.
ആർച്ച്ബിഷപ്പ് ഡോ.ജോസഫ് കളത്തിപറമ്പിൽ കർമ്മങ്ങൾക്ക് നേതൃത്വം നൽകി.
ബെനഡിക്ട് പതിനാറാമൻ പാപ്പയോടുള്ള തന്റെ വ്യക്തിപരമായ അനുഭവങ്ങളും അദ്ദേഹം അനുസ്മരിച്ചു.
വരാപ്പുഴ അതിരൂപത വികാരി ജനറൽ മോൺ. മാത്യു കല്ലിങ്കൽ, കത്തീഡ്രൽ വികാരി ഫാ.പീറ്റർ കൊച്ചുവീട്ടിൽ, ഫാ. യേശുദാസ് പഴമ്പിള്ളി, ഫാ. ജോബ് വാഴക്കൂട്ടത്തിൽ, തുടങ്ങിയവർ നേതൃത്വം നൽകി. വൈദികരും സന്യസ്ഥരും വിശ്വാസികളും അടക്കം നൂറുകണക്കിന് ആളുകൾ ചടങ്ങിൽ പങ്കെടുത്തു.
Source URL: https://keralavani.com/%e0%b4%ac%e0%b5%86%e0%b4%a8%e0%b4%a1%e0%b4%bf%e0%b4%95%e0%b5%8d%e0%b4%9f%e0%b5%8d-%e0%b4%aa%e0%b4%a4%e0%b4%bf%e0%b4%a8%e0%b4%be%e0%b4%b1%e0%b4%be%e0%b4%ae%e0%b5%bb-%e0%b4%aa%e0%b4%be%e0%b4%aa%e0%b5%8d/
Copyright ©2024 official news channel of ARCHDIOCESE OF VERAPOLY, unless otherwise noted.