വീട്ടിലാണെങ്കിലും പേടിക്കേണ്ട …വിളിപ്പുറത്തുണ്ട് ഡോക്ടർ ; സൗഖ്യത്തിന്റെ കരം നീട്ടി ലൂർദ് ആശുപത്രി

by admin | March 28, 2020 6:01 pm

 

കൊച്ചി : നമ്മുടെ നാടും രാജ്യവും സമ്പൂർണ ലോക്ക് ഡൗണിൽ ആയിരിക്കുമ്പോൾ വിവിധ രോഗങ്ങൾ മൂലം വിഷമിക്കുന്ന രോഗികൾ , വീട്ടിലാണെങ്കിലും വിഷമിക്കേണ്ട അവരെ സഹായിക്കാൻ എറണാകുളം ലൂർദ് ആശുപത്രിയിലെ ഡോക്ടർമാർ തയ്യാറാണ് .

 

രാജ്യത്തെ നിലവിലുള്ള നിയമത്തോട് സഹകരിച്ചുകൊണ്ട് തന്നെ ആരോഗ്യപ്രശ്നങ്ങൾക്കു പരിഹാരം കാണാൻ ലൂർദ് ആശുപത്രി നിങ്ങളെ സഹായിക്കും . ലൂർദ് വെബ് സൈറ്റ് വഴിയോ , മൊബൈൽ ആപ് വഴിയോ രജിസ്റ്റർ ചെയ്യുന്നവരെ ലൂർദിലെ ഡോക്ടർമാർ ഫോണിലൂടെ വിളിക്കും . നിങ്ങളുടെ ഡോക്ടറോട് നിങ്ങൾക്ക് നേരീട്ട് സംസാരിക്കാം . തിങ്കൾ മുതൽ ശനി വരെ രാവിലെ 9 മണി മുതൽ വൈകിട്ട് 4 മണി വരെയാണ് സൗജന്യ ടെലി മെഡിസിൻ സേവനം ലഭ്യമാക്കുക.

 

ആരോഗ്യപ്രശ്നങ്ങൾക്ക് കൃത്യമായ പരിഹാരമാർഗങ്ങൾ നിർദേശിക്കും. കൂടാതെ 24 മണിക്കൂറും പ്രവർത്തിക്കുന്ന കൗൺസിലിങ് സംവിധാനവും ലൂർദിൽ ലഭ്യമാണ് .

Source URL: https://keralavani.com/%e0%b4%b5%e0%b5%80%e0%b4%9f%e0%b5%8d%e0%b4%9f%e0%b4%bf%e0%b4%b2%e0%b4%be%e0%b4%a3%e0%b5%86%e0%b4%99%e0%b5%8d%e0%b4%95%e0%b4%bf%e0%b4%b2%e0%b5%81%e0%b4%82-%e0%b4%aa%e0%b5%87%e0%b4%9f%e0%b4%bf%e0%b4%95/

---