സെന്റ് ആൽബർട്സ് കോളെജ്  പ്ലാറ്റിനം ജൂബിലി നിറവിൽ.

by admin | July 16, 2021 6:58 am

സെന്റ്. ആൽബർട്സ് കോളെജ് പ്ലാറ്റിനം

ജൂബിലി നിറവിൽ. (1946-2021)

 

കൊച്ചി : വരാപ്പുഴ മെത്രാപ്പോലിത്ത ലെയോനാർഡ് മെല്ലാനോ പിതാവ് 1892 ഫെബ്രുവരി 1-ന്, 31 ആൺകുട്ടികളുമായി എറണാകുളം തുമ്പപ്പറമ്പിൽ ആരംഭിച്ചതാണ് സെന്റ്. ആൽബർട്സ് സ്കൂൾ.  1896 -ൽ മിഡിൽ സ്കൂൾ ആയി മാറുകയുണ്ടായി. 1897-ലാണ് ഈ സ്കൂളിന് ഇന്നു കാണുന്ന ഗോത്തിക്ക് ശൈലിയിലുള്ള കെട്ടിടങ്ങൾ പണി തീർത്തത്.

മെല്ലാനോ പിതാവ് 1891 ജനുവരി 2- ന് ഫാ. ബെർണാർഡ് അർഗുയിൻ സോണിസിനെ മാനേജർ ആയി നിയമിച്ചു. കൂനമ്മാവിൽ ആരംഭിച്ച സെന്റ്. ഫിലോമിനാസ് ഇംഗ്ലീഷ് മീഡിയം സ്കൂൾ, 1895-ൽ ഹൈസ്കൂൾ ആക്കി.

ബെർണാർഡ് അർഗുയിൻ സോണിസ് വരാപ്പുഴ മെത്രാപ്പോലിത്ത ആയിരിക്കുമ്പോൾ, 1898-ൽ സെന്റ്. ഫിലോമിനാസ് ഇംഗ്ലീഷ് മീഡിയം സ്കൂൾ, എറണാകുളം സെന്റ്. ആൽബർട്സ് സ്കൂളിലേക്ക് ലയിപ്പിച്ചു. അങ്ങനെ എറണാകുളം സെന്റ്. ആൽബർട്സ് സ്കൂൾ ഒരു സമ്പൂർണ്ണ ഹൈസ്കൂൾ ആയി മാറി.

ജോസഫ് അട്ടിപ്പേറ്റി പിതാവിന്റെ ത്യാഗപൂർണ്ണമായ ഉത്സാഹത്താൽ 1946 ജൂലൈ 16-ന് ഈ സ്കൂൾ, കോളേജ് ആയി ഉയർത്തപ്പെട്ടു. 150 വിദ്യാർത്ഥികളുമായി പഠനം ആരംഭിച്ചപ്പോൾ ഏറ്റവും അധികം സന്തോഷാശ്രു പൊഴിച്ചത് ജോസഫ് അട്ടിപ്പേറ്റി പിതാവ് ആയിരുന്നു.

1947 ഡിസംബർ 8-ന് അമേരിക്കയിലെ മിനോസോട്ടോ എന്ന സ്ഥലത്തു പൂജ്യം ഡിഗ്രിയിൽ താഴെ തണുപ്പത്തു, ഈ കോളെജ് മുഴുവൻ പണി തീർക്കാനുള്ള പൈസയ്ക്ക് വേണ്ടി അലഞ്ഞപ്പോൾ എഴുതിയ കത്ത് പ്രസിദ്ധമാണ്.

2021 ജൂലൈ 16-ന് 75 വർഷം തികയുന്ന ഈ വേളയിൽ ഈ കോളെജിനായി അധ്വാനിച്ചവരെയും സ്കൂൾ ആയിരുന്ന കാലത്ത് അവിടെ സേവനം അനുഷ്ഠിച്ച എല്ലാ കർമ്മലീത്ത മിഷണറിമാരെയും അവരുടെ ത്യാഗത്തെയും നന്ദിപ്പൂർവം സ്മരിക്കാം, വേണ്ട ആദരുവകൾ നല്കാം 

Source URL: https://keralavani.com/%e0%b4%b8%e0%b5%86%e0%b4%a8%e0%b5%8d%e0%b4%b1%e0%b5%8d-%e0%b4%86%e0%b5%bd%e0%b4%ac%e0%b5%bc%e0%b4%9f%e0%b5%8d%e0%b4%b8%e0%b5%8d-%e0%b4%95%e0%b5%8b%e0%b4%b3%e0%b5%86%e0%b4%9c%e0%b5%8d-%e0%b4%aa/

---