അവരെല്ലാവരും ഒന്നായിരിക്കട്ടെ: ഇന്ത്യൻ മെത്രാൻസംഘവും സഭൈക്യവും.
അവരെല്ലാവരും
ഒന്നായിരിക്കട്ടെ: ഇന്ത്യൻ
മെത്രാൻസംഘവും
സഭൈക്യവും.
രാജ്യത്തെ വിവിധ ക്രൈസ്തവസമൂഹങ്ങൾ തമ്മിലുള്ള മെച്ചപ്പെട്ട ആശയവിനിമയവും സമ്പർക്കവും ലക്ഷ്യമാക്കി, “അവരെല്ലാവരും ഒന്നായിരിക്കട്ടെ” എന്ന തലക്കെട്ടോടെ ഭാരത കത്തോലിക്കാ മെത്രാൻസംഘം (Conference of Catholic Bishops of India – CCBI) തയ്യാറാക്കിയ, 322 പേജുകൾ ഉള്ള പുതിയ ഒരു പുസ്തകം
ഓഗസ്റ്റ് 31-ന്, ഇന്ത്യയിലെ വത്തിക്കാൻ പ്രതിനിധി ആർച്ച്ബിഷപ് ലെയോപോൾദോ ജിറെല്ലി (Leopoldo Girelli), ഡൽഹിയിൽ പ്രകാശനം ചെയ്തു.
രണ്ടാം വത്തിക്കാൻ കൗൺസിൽ മുന്നോട്ടുവച്ച, ക്രൈസ്തവർ തമ്മിലുള്ള ഐക്യത്തിനായുള്ള അഭ്യർത്ഥനയെ എടുത്തുപറഞ്ഞ അപ്പസ്തോലിക നൂൺഷ്യോ, വിശ്വാസികളെ പ്രാർത്ഥനയ്ക്കും പരസ്പര സംഭാഷണത്തിനും ആഹ്വാനം ചെയ്തു. സഭൈക്യവുമായി യോജിച്ചുപോകുന്ന ഒരു പരിശീലനരീതി ഭാരതത്തിലെ എല്ലാ ക്രസ്തവസഭകളിലും ഉണ്ടാകണമെന്നും, അങ്ങനെ എല്ലാ ജനതകളുടെയും ഇടയിൽ ഐക്യത്തിന്റെ സാക്ഷ്യം നൽകാൻ ക്രൈസ്തവർക്ക് സാധിക്കട്ടെ എന്നും അദ്ദേഹം പറഞ്ഞു.
സമ്മേളനത്തിൽ പങ്കെടുത്ത ഡൽഹി ആർച്ച്ബിഷപ് അനിൽ തോമസ് ജോസഫ് കൂട്ടോ, പുതിയ ഈ പുസ്തകം ഒഴിച്ചുകൂടാനാവാത്തതും വളരെ ഉപയോഗപ്രദമാണെന്നും അഭിപ്രായപ്പെടുകയും, ഇന്ത്യയിൽ എക്യൂമെനിസം നല്ല രീതിയിൽ പോകണമെങ്കിൽ, സർവകലാശാലകളിലും സെമിനാരികളിലും, മതപരമായ വിദ്യാഭ്യാസം നൽകുന്ന ഭവനങ്ങളിലും നൽകുന്ന ദൈവശാസ്ത്രവിദ്യാഭ്യാസത്തിനും വിദ്യാർത്ഥികളുടെ പരിശീലനത്തിനും സഭൈക്യത്തിനായുള്ള ഒരു പ്രേരണാസ്വഭാവം ഉണ്ടാകണമെന്ന് പറയുകയും ചെയ്തു.
പുസ്തകത്തിന്റെ പ്രകാശനചടങ്ങിൽ ഫരീദാബാദ് രൂപതാധ്യക്ഷൻ ആർച്ച്ബിഷപ് കുര്യാക്കോസ് ഭരണികുളങ്ങര, ഇന്ത്യയിലെ മെത്തഡിസ്റ് സഭാമെത്രാൻ ബിഷപ് സുബോധ് സി. മണ്ഡൽ, ഈസ്റ്റേൺ ചുര്ച്ച് ഓഫ് ബിലീവേഴ്സ് മെത്രാൻ ബിഷപ് ജോൺ മോർ ഇറേനിയൂസ് എന്നിവരും പങ്കെടുത്തിരുന്നു.
Related
Related Articles
അന്താരാഷ്ട്ര മതസ്വാതന്ത്ര്യ ഉച്ചകോടിയിൽ ഭാരതത്തിലെ ക്രൈസ്തവർ പീഡിപ്പിക്കപ്പെടുന്ന സാഹചര്യം ചർച്ചാവിഷയമായി
അന്താരാഷ്ട്ര മതസ്വാതന്ത്ര്യ ഉച്ചകോടിയിൽ ഭാരതത്തിലെ ക്രൈസ്തവർ പീഡിപ്പിക്കപ്പെടുന്ന സാഹചര്യം ചർച്ചാവിഷയമായി. വാഷിംഗ്ടൺ :അന്താരാഷ്ട്ര മത സ്വാതന്ത്ര്യത്തിനുവേണ്ടിയുള്ള അമേരിക്കൻ കമ്മീഷൻ ( യൂ. എസ്. സി. ഐ.
പാപ്പാ : യൂറോപ്പിന്റെ ഒരു നവമുഖം ലോകത്തിന് നൽകുക
പാപ്പാ : യൂറോപ്പിന്റെ ഒരു നവമുഖം ലോകത്തിന് നൽകുക വത്തിക്കാന് : എല്ലാവരേയും ഉൾക്കൊള്ളുന്ന, അറിവുള്ള, അവർക്കു ചുറ്റും നടന്നു കൊണ്ടിരിക്കുന്ന ബോധരഹിതമായ യുദ്ധങ്ങൾ പോലുള്ള അക്രമത്തെ
ഫാത്തിമ നല്കുന്ന ആത്മീയതയുടെ മണിമുത്തുകൾ…..
ഫാത്തിമ നല്കുന്ന ആത്മീയതയുടെ മണിമുത്തുകൾ വത്തിക്കാൻ : “ഫാത്തിമ”യെന്നാല് ‘പ്രകാശ പൂര്ണ്ണ’യെന്നാണ് അറബിയില് അര്ത്ഥം. – 1. പോർച്ചുഗലിലെ “കോവ ദാ ഈറിയ” : ഇടയക്കുട്ടികള്ക്ക് കന്യാകാനാഥ