“സ്നേഹത്തിന്റെ ആനന്ദവു”മായി ആഗോളസഭയിലെ കുടുംബവർഷം
“സ്നേഹത്തിന്റെ ആനന്ദവു”മായി ആഗോളസഭയിലെ കുടുംബവർഷം
1. ഒരു കുടുംബ നവീകരണപദ്ധതി
പാപ്പാ ഫ്രാൻസിസ് പ്രഖ്യാപിച്ച വിശുദ്ധ യൗസേപ്പിതാവിന്റെ വർഷത്തിലെ (2020 ഡിസംബർ 8-മുതൽ – 2021 ഡിസംബർ 8-വരെ) സിദ്ധന്റെ തിരുനാളിലാണ് കുടുംബവർഷത്തിന് ആരംഭം കുറിക്കുന്നത്. 2020 ഡിസംബർ 27-ന്റെ ത്രികാലപ്രാർത്ഥനയുടെ അന്ത്യത്തിൽ പാപ്പാ ഫ്രാൻസിസ് പ്രഖ്യാപിച്ചതു പ്രകാരമാണ് കുടുംബവർഷത്തിന് ആരംഭം കുറിക്കുന്നത്. 2016-ൽ നടന്ന കുടുംബങ്ങളെ സംബന്ധിച്ച മെത്രാന്മാരുടെ സിനഡു സമ്മേളനത്തിനുശേഷം പാപ്പാ ഫ്രാൻസിസ് പ്രബോധിപ്പിച്ച അപ്പസ്തോലിക പ്രബോധനം “സ്നേഹത്തിന്റെ ആനന്ദ”ത്തെ ആധാരമാക്കിയാണ് (Amoris Laetitia) കുടുംബങ്ങളുടെ നവീകരണം ലക്ഷ്യമിടുന്ന ഈ കുടുംബവർഷം ദേശീയ പ്രാദേശിക സഭകളിൽ ആചരിക്കപ്പെടുവാൻ പോകുന്നത്.
2. മെത്രാന്മാരുടെ സിനഡുസമ്മേളനത്തിലെ
കുടുംബ നവീകരണചിന്തകൾ
2021 മാർച്ച് 19-ന് ആരംഭിക്കുന്ന കുടുംബവർഷം 2022 ജൂൺ 23-മുതൽ 27-വരെ റോമിൽ സംഗമിക്കുന്ന 10-ാമത് രാജ്യാന്തര കുടുംബ സംഗമത്തിന്റെ സമാപനദിനംവരെ നീണ്ടുനില്ക്കും. മെത്രാന്മാരുടെ സിനഡു സമ്മേളനത്തിനുശേഷം പാപ്പാ ഫ്രാൻസിസ് കുടുംബങ്ങൾക്കായി പ്രബോധിപ്പിച്ച പ്രമാണരേഖ, “സ്നേഹത്തിന്റെ ആനന്ദ”ത്തിലെ നവീകരണപദ്ധതി ക്രിസ്തീയ കുടുംബങ്ങളിൽ ചൂഴ്ന്നിറങ്ങണം എന്ന ആഗ്രഹത്തോടെയാണ് ഈ കുടുംബവർഷം ആഗോളസഭയിൽ പ്രഖ്യാപിച്ചിട്ടുള്ളത്. മെത്രാന്മാരുടെ സിനഡു സമ്മേളത്തിൽ ഉരുത്തിരിഞ്ഞ കുടുംബങ്ങളുടെ നവീകരണപദ്ധതി ഉൾക്കൊള്ളുന്ന അപ്പസ്തോലിക പ്രബോധനം, “സ്നേഹത്തിന്റെ ആനന്ദം” അതിന്റെ 5-ാം വാർഷികം ആചരിക്കുന്നതും മാർച്ച് 19-നു തന്നെയാണ്.
3. മുൻപാപ്പാ ബെനഡിക്ടിന്റെ
നാമഹേതുകത്തിരുനാൾ
ഈ മാർച്ച് 19-ന്റെ മറ്റൊരു സവിശേഷത പാപ്പാ ഫ്രാൻസിസ് തന്റെ സ്ഥാനാരോഹണത്തിന്റെ 8-ാം വാർഷികം അനുസ്മരിക്കുന്നതാണ്. സ്ഥാനത്യാഗിയായ മുൻപാപ്പാ ബെനഡിക്ട് 16-ാമൻ, ജോസഫ് റാത്സിങ്കർ തന്റെ നാമഹേതുക തിരുനാൾ ആചരിക്കുന്ന ദിനംകൂടിയാണിത്.
4. കുടുംബവർഷത്തെ സംബന്ധിച്ച വിവരങ്ങൾക്ക്…
കുടുംബം, അൽമായർ, ജീവൻ എന്നിവയുടെ കാര്യങ്ങൾക്കായുള്ള വത്തിക്കാൻ സംഘമാണ് “സ്നേഹത്തിന്റെ ആനന്ദം” സഭാപ്രബോധനത്തെ ആധാരമാക്കിയുള്ള കുടുംബ വർഷത്തിന് നേതൃത്വം നല്കുന്നത്.
Related
Related Articles
രോഗാവസ്ഥയിൽ സാമീപ്യമറിയിച്ച എല്ലാവർക്കും നന്ദി പറഞ്ഞ് ഫ്രാൻസിസ് പാപ്പാ
രോഗാവസ്ഥയിൽ സാമീപ്യമറിയിച്ച എല്ലാവർക്കും നന്ദി പറഞ്ഞ് ഫ്രാൻസിസ് പാപ്പാ. വത്തിക്കാന് : ഫ്രാൻസിസ് പാപ്പായുടെ ആരോഗ്യനില മെച്ചപ്പെട്ടു വരുന്നു. പ്രാർത്ഥനാസന്ദേശങ്ങളയച്ചവർക്ക് നന്ദി. “ഈ ദിവസങ്ങളിൽ ലഭിച്ച നിരവധി
സാമൂഹിക നവീകരണത്തിൽ ക്രൈസ്തവർ പങ്കുചേരണമെന്ന് പാപ്പാ
സാമൂഹിക നവീകരണത്തിൽ ക്രൈസ്തവർ പങ്കുചേരണമെന്ന് പാപ്പാ വത്തിക്കാൻ : “അമ്മ ത്രേസ്യ… അനിതരസാധാരണയായ സ്ത്രീ…” എന്ന ശീർഷകത്തിൽ പാപ്പാ ഫ്രാൻസിസ് ആവിലായിലേയ്ക്ക് അയച്ച സന്ദേശത്തിലെ ചിന്തകൾ.
തെക്കൻ സുഡാനിൽ രണ്ട് സന്യാസിനിമാർ കൊല്ലപ്പെട്ടു: പാപ്പാ അനുശോചനം രേഖപ്പെടുത്തി
തെക്കൻ സുഡാനിൽ രണ്ട് സന്യാസിനിമാർ കൊല്ലപ്പെട്ടു: പാപ്പാ അനുശോചനം രേഖപ്പെടുത്തി വത്തിക്കാന്: തെക്കൻ സുഡാന്റെ തലസ്ഥാനമായ ജൂബ (Juba) നഗരത്തിലുണ്ടായ അക്രമത്തിൽ രണ്ട് സന്യാസിനികൾ മരണമടഞ്ഞ