കേരള ലാറ്റിന്‍ കത്തോലിക്ക് അസ്സോസിയേഷന്‍ സംസ്ഥാന ജനറല്‍ കൗണ്‍സില്‍ ജനുവരി 8-ന് ആലപ്പുഴയില്‍
by admin | January 12, 2023 6:28 am
കേരള ലാറ്റിന്‍ കത്തോലിക്ക്
അസ്സോസിയേഷന്‍
സംസ്ഥാന ജനറല്‍ കൗണ്‍സില്‍
ജനുവരി 8-ന്
ആലപ്പുഴയില്‍.
കൊച്ചി- കെഎല്‍സിഎ കേരള ലാറ്റിന്‍ കത്തോലിക്ക് അസ്സോസിയേഷന്‍ സംസ്ഥാന ജനറല്‍ കൗണ്‍സില്‍ യോഗവും, ഭാരവാഹികളുടെ തെരഞ്ഞെടുപ്പും 2023 ജനുവരി 8-ന് ആലപ്പുഴയില്‍ കര്‍മ്മസദന്‍ പാസ്റ്ററല്‍ സെന്‍ററില്‍ വച്ച് നടത്തുന്നു. കേരളത്തിലെ എല്ലാ ലത്തീന്‍ രൂപതകളില്‍ നിന്നുമുള്ള സമുദായ സംഘടനാപ്രതിനിധികള്‍ യോഗത്തില്‍ പങ്കെടുക്കും. രാവിലെ 10-ന് കെഎല്‍സിഎ സംസ്ഥാന പ്രസിഡന്‍റ് ശ്രീ ആന്‍റണി നൊറോണ പതാക ഉയര്‍ത്തും.
തുടര്‍ന്ന് ആലപ്പുഴ രൂപതാ മെത്രാന്‍ ഡോ. ജെയിംസ് ആനാപറമ്പില്‍ സമ്മേളനം ഉദ്ഘാടനം ചെയ്യും. ആന്‍റണി നൊറോണ അധ്യക്ഷത വഹിക്കും. ജോസഫ് ജൂഡ്, റവ: ഡോ. വി.പി. ജോസഫ്, എന്നിവര്‍ ഉദ്ഘാടനസമ്മേളനത്തില്‍ സംബന്ധിക്കും. തുടര്‍ന്ന് ബിസിനസ്സ് സെഷനും നടക്കും. കെഎല്‍സിഎ സംസ്ഥാന സെക്രട്ടറി അഡ്വ: ഷെറി ജെ തോമസ് റിപ്പോര്‍ട്ട് അവതരിപ്പിക്കും. സംസ്ഥാന ട്രഷറര്‍ എബി കുന്നേപ്പറമ്പില്‍ വരവ്-ചിലവ് കണക്കുകള്‍ അവതരിപ്പിക്കും. ഉച്ചയ്ക്കുശേഷം പുതിയ ഭാരവാഹികളുടെ തിരഞ്ഞെടുപ്പ് നടക്കും.
6-1-2023
Source URL: https://keralavani.com/%e0%b4%95%e0%b5%87%e0%b4%b0%e0%b4%b3-%e0%b4%b2%e0%b4%be%e0%b4%b1%e0%b5%8d%e0%b4%b1%e0%b4%bf%e0%b4%a8%e0%b5%8d%e2%80%8d-%e0%b4%95%e0%b4%a4%e0%b5%8d%e0%b4%a4%e0%b5%8b%e0%b4%b2%e0%b4%bf%e0%b4%95%e0%b5%8d/