സെക്രെഡ് ജേർണി – ഫോട്ടോ പ്രദർശനം നടത്തി..
by admin | July 17, 2023 10:32 am
സെക്രെഡ് ജേർണി – ഫോട്ടോ
പ്രദർശനം നടത്തി.
കൊച്ചി : ഇരുപത്തിമൂന്ന് വർഷക്കാലം ഇൻഫന്റ് ജീസസ് ദേവാലയത്തിൽ വികാരിയായി സേവനം അനുഷ്ഠിച്ചിരുന്ന ജൂലൈ 19ന് ദൈവദാസ പദവിയിലേക്ക് ഉയർത്തപ്പെടുന്ന മോൺ.ഇമ്മാനുവൽ ലോപ്പസ് നെ അനുസ്മരിച്ചുകൊണ്ട് എറണാകുളം ഇൻഫെന്റ് ജീസസ് ദേവാലയാങ്കണത്തിൽ സെക്രെഡ് ജേർണി എന്ന പേരിൽ ഫോട്ടോ പ്രദർശനം നടത്തുകയുണ്ടായി. ഇടവകയിലെ കുടുംബങ്ങളിൽ നിന്നും ശേഖരിച്ച മോൺ. ഇമ്മാനുവൽ ലോപ്പസ് ന്റെ അത്യപൂർവ ചിത്രങ്ങളാണ് പ്രദർശിപ്പിച്ചത്. ജൂലൈ 16- തീയതി ഞായറാഴ്ച രാവിലെ 7. 30ന് വരാപ്പുഴ അതിരൂപത വൈസ് ചാൻസിലറും ജുഡീഷ്യൽ വികാരിയുമായ ഫാ.ലീക്സ്ൺ അസ്വേസ് ആണ് ഉദ്ഘാടന കർമ്മം നിർവഹിച്ചത്. വരാപ്പുഴ അതിരൂപത മെത്രാപ്പോലീത്ത അഭിവന്ദ്യ ഡോ. ജോസഫ് കളത്തിപറമ്പിൽ പിതാവ് മോൺ.ഇമ്മാനുവൽ ലോപ്പസിന്റെ ഫോട്ടോ പ്രദർശനം കാണാൻ എത്തിയിരുന്നു.
ഇൻഫെന്റ് ജീസസ് ഇടവക വികാരി ഫാ. ഡഗ്ളസ് പിൻ ഹീറോ ആയിരുന്നു ഫോട്ടോ പ്രദർശനത്തിന് നേതൃത്വം നൽകിയത്. സഹവികാരി ഫാ. ജോർജ് പുന്നക്കാട്ടുശ്ശേരിയും ചടങ്ങിൽ സന്നിഹിതനായിരുന്നു…
Source URL: https://keralavani.com/%e0%b4%b8%e0%b5%86%e0%b4%95%e0%b5%8d%e0%b4%b0%e0%b5%86%e0%b4%a1%e0%b5%8d-%e0%b4%9c%e0%b5%87%e0%b5%bc%e0%b4%a3%e0%b4%bf-%e0%b4%ab%e0%b5%8b%e0%b4%9f%e0%b5%8d%e0%b4%9f%e0%b5%8b-%e0%b4%aa%e0%b5%8d/