ചെല്ലാനം മോഡൽ കടൽ ഭിത്തി വൈപ്പിൻ കരയിലും വേണം… ആക്ഷൻ കൗൺസിൽ രൂപീകരിച്ചു

ചെല്ലാനം മോഡൽ കടൽ ഭിത്തി വൈപ്പിൻ

കരയിലും വേണം :  ആക്ഷൻ കൗൺസിൽ

രൂപീകരിച്ചു.

 

കൊച്ചി : നായരമ്പലം കടൽത്തീരം ചെല്ലാനം മോഡൽ കടൽ ഭിത്തി കെട്ടി തീരം സംരക്ഷക്കണമെന്ന് ആവശ്യപ്പെട്ട് നായരമ്പലം വാടേൽ പള്ളി വികാരി ഫാ. ഡെന്നി പെരിങ്ങാട്ടിൻ്റെ നേതൃത്വത്തിൽ ആക്ഷൻ കൗൺസിൽ രൂപീകരിച്ചു.

സെൻ്റ് ആൻ്റണീസ് നായരമ്പലം വെളിയത്താംപറമ്പ് കപ്പേളയിൽ,ജൂണ്‍ 6-ആം തീയതി
വൈകീട്ട് 3 മണിക്ക് വികാരിയച്ചൻ്റെ അദ്ധ്യക്ഷതയിൽ കൂടിയ യോഗത്തിൽ വിവിധ മതസ്ഥരായ 120 ഓളം പേർ സംബന്ധിച്ചു. KLCA വരാപ്പുഴ രൂപത നേതാക്കൾ യോഗത്തിൽ പങ്കെടുത്തു . 7 പേർ അടങ്ങിയ കമ്മിറ്റി രൂപീകരിച്ച് പിന്നിടുള്ള പ്രവർത്തനങ്ങൾക്ക് നേതൃത്വം നൽകാൻ തീരുമാനിച്ചു.

വർഷങ്ങളായി കടൽ തീരങ്ങളിൽ താമസിക്കുന്ന കുടുംബങ്ങൾ യോഗത്തിൽ അവരുടെ ബുദ്ധിമുട്ടുകൾ അവതരിപ്പിച്ചു. ആരും തിരിഞ്ഞ് നോക്കാത്ത അവസ്ഥയിലാണ് കടൽത്തീരമെന്നും, വർഷങ്ങളായി മാറി മാറി വരുന്ന സർക്കാരുകൾ നായരമ്പലം കടൽത്തീരത്തെ അവഗണിക്കുകയാണെന്നും യോഗം വിലയിരുത്തി. കാലവർഷം തുടങ്ങിയതോടെ കടൽ ആക്രമണം പതിവിലും രൂക്ഷമായതായി പ്രദേശവാസികൾ അഭിപ്രായപ്പെട്ടു.

കടൽക്ഷോഭത്തിൽ നിന്നും രക്ഷ നേടുവാൻ ഉള്ള മാർഗ്ഗം ചെല്ലാനം മോഡൽ കടൽഭിത്തി നിർമ്മാണമാണെന്ന് യോഗം വിലയിരുത്തി. ഇതോടൊപ്പം തന്നെ ഇട തോടുകളും ഭിത്തി കെട്ടി സംരക്ഷിക്കണമെന്ന് ആവശ്യമുയർന്നു. ഇതിനായി മത രാഷ്ട്രീയ ഭേദമെന്യേ എല്ലാ തീരദേശ നിവാസികളും ഒരുമിച്ച് നിന്ന് പ്രവർത്തിക്കാൻ തീരുമാനിച്ചു. ആദ്യഘട്ടമെന്ന നിലയിൽ ഒരു ആക്ഷൻ കൗൺസിൽ രൂപീകരിച്ചു.


Related Articles

സഭാവാര്‍ത്തകള്‍ – 24.09.23

സഭാവാര്‍ത്തകള്‍ – 24.09.23   വത്തിക്കാൻ വാർത്തകൾ യുദ്ധത്തിന്റെ നിലവിളി പ്രാർത്ഥനായ് ഉയരുന്നു : ഫ്രാൻസിസ് പാപ്പാ വത്തിക്കാൻ സിറ്റി : ലോകമെമ്പാടും നിലനിൽക്കുന്ന യുദ്ധസാഹചര്യങ്ങളുടെ അതിദയനീയമായ

രാഷ്ട്രീയപാർട്ടികളുടെ നയങ്ങളും സമീപനങ്ങളും ആശങ്കയുളവാക്കുന്നത്

രാഷ്ട്രീയപാർട്ടികളുടെ നയങ്ങളും സമീപനങ്ങളും ആശങ്കയുളവാക്കുന്നത് കൊച്ചി: ഇന്ത്യയുടെ പ്രത്യേകിച്ച് കേരളത്തിൻ്റെ രാഷ്ട്രീയ പശ്ചാത്തലത്തിൽ രാഷ്ട്രീയ പാർട്ടികളുടെ നയങ്ങളും സമീപനങ്ങളും ആശങ്ക ഉളവാക്കുന്നതാണെന്ന് വരാപ്പുഴ അതിരൂപത വികാരി ജനറൽ

സാമ്പത്തിക ശക്തികേന്ദ്രങ്ങള്‍ക്കും താല്പര്യങ്ങള്‍ക്കും മാത്രമായി സര്‍ക്കാര്‍ പ്രവര്‍ത്തിക്കുന്നത് അംഗീകരിക്കാനാവില്ല : ആര്‍ച്ച്ബിഷപ് ഡോ. ജോസഫ് കളത്തിപ്പറമ്പില്‍

സാമ്പത്തിക ശക്തികേന്ദ്രങ്ങള്‍ക്കും താല്പര്യങ്ങള്‍ക്കും മാത്രമായിസര്‍ക്കാര്‍പ്രവര്‍ത്തി ക്കുന്നത്  അംഗീകരിക്കാനാവില്ല : ആര്‍ച്ച്ബിഷപ് ഡോ. ജോസഫ് കളത്തിപ്പറമ്പില്‍   കൊച്ചി: ഒരു മാനുഷികപ്രശ്‌നം എന്ന നിലയിലാണ് അഥവാ തീരദേശവാസികളുടെയും മൂലമ്പിള്ളി

No comments

Write a comment
No Comments Yet! You can be first to comment this post!

Write a Comment

<