തീരസംരക്ഷണ സമിതി ആക്ഷൻ കൗൺസിൽ നിവേദനം നൽകി
തീരസംരക്ഷണ സമിതി
ആക്ഷൻ കൗൺസിൽ
നിവേദനം നൽകി.
കൊച്ചി : നായരമ്പലം പഞ്ചായത്തിലെ തീരദേശ മേഖലയിലെ തകർന്ന് കിടക്കുന്ന സീവാളും, പുലിമുട്ടുകളും ചെല്ലാനം മോഡൽ പുനർനിർമിക്കണം എന്ന് ആവശ്യപ്പെട്ടുകൊണ്ട് തീരസംരക്ഷണ സമിതി ആക്ഷൻ കൗൺസിൽ നിവേദനം നൽകി.
നായരമ്പലം ഗ്രാമപഞ്ചായത്തിലെ തെക്കേ അറ്റം മുതൽ വടക്കേ അറ്റം വരെ യുള്ള സീവാളും, പുലിമുട്ടുകളും ഓഖി കടലാക്രമണത്തിൽ തകർന്ന് കിടക്കുകയാണ്. ഇത് മൂലം എല്ലാ വർഷവും ഉണ്ടാവുന്ന കടലാക്രമണത്തിൽ വീടുകൾക്കും മറ്റും നാശനഷ്ടങ്ങൾ ഉണ്ടാവുന്നത് പതിവാണ്. നിരവധി തവണ MLA യോടും പഞ്ചായത്ത്‌ അധികാരികളോടും പരാതി പറഞ്ഞിരുന്നെങ്കിലും നാളിതുവരെ യാതൊരു നടപടിയും ഉണ്ടായില്ല. ഈ സാഹചര്യത്തിലാണ് തീരദേശ വാസികളുടെ ജീവൻ രക്ഷിക്കുന്നതിനായി ചെല്ലാനം മോഡൽ ടെട്രാ പോഡ് ഉപയോഗിച്ച് സീവാളും, പുലിമുട്ടുകളും നിർമ്മിക്കണം എന്ന് ആവശ്യപ്പെട്ടുകൊണ്ട് നായരമ്പലം ഗ്രാമപഞ്ചായത്തിലും, വില്ലേജ് ഓഫീസിലും തീര സംരക്ഷണ സമിതി ആക്ഷൻ കൗൺസിൽ ന്റെ നേതൃത്വത്തിൽ നിവേദനം നൽകിയത്. വാടേൽ സെന്റ്‌ ജോർജ് പള്ളി വികാരി ഫാ. ഡെന്നി മാത്യു, സാൻജോപുരം പള്ളിവികാരി ഫാ. ജെയിംസ്, വാടേൽ പള്ളി സഹവികാരി ഫാ. ജിലു ജെയിംസ്, കൺവീനർ ബിജു എന്നിവർ നേതൃത്വം നൽകി. നായരമ്പലം ഗ്രാമപഞ്ചായത്തിലും വില്ലേജ് ഓഫീസർക്കും ഇറിഗേഷൻ ഡിപ്പാർട്ട്മെൻറ് ലും പിഡബ്ല്യുഡി ഓഫീസിലും നിവേദനം സമർപ്പിച്ചു. ഇതിന് ഒരു തീരുമാനം എടുത്തില്ലെങ്കിൽ ശക്തമായ സമരവുമായി മുന്നോട്ട് പോകുമെന്നും ആക്ഷൻ കൗൺസിൽ അറിയിച്ചു.
Related Articles
രാജ്യ സുരക്ഷയ്ക്ക് വേണ്ടി പിറന്ന മണ്ണും വീടും ഒഴിഞ്ഞു കൊടുത്ത മറ്റൊരു ത്യാഗ ചരിത്രം : വരാപ്പുഴ അതിരൂപതയിലെ വെണ്ടുരുത്തി ഇടവക
രാജ്യ സുരക്ഷയ്ക്ക് വേണ്ടി പിറന്ന മണ്ണും വീടും ഒഴിഞ്ഞു കൊടുത്ത മറ്റൊരു ത്യാഗ ചരിത്രം : വരാപ്പുഴ അതിരൂപതയിലെ വെണ്ടുരുത്തി ഇടവക ഇന്ന് ഇന്ത്യന്‍ നാവീക
സെൻറ് ആൽബർട്ട്സ് കോളേജിനെതിരെയുള്ള അതിക്രമം ശക്തമായി പ്രതിരോധിക്കും.
സെൻറ്. ആൽബർട്ട്സ് കോളേജിനെതിരെയുള്ള അതിക്രമം ശക്തമായി പ്രതിരോധിക്കും. കൊച്ചി: എറണാകുളം സെൻറ് ആൽബർട്ട്സ് കോളേജിലേക്ക് അതിക്രമിച്ചു കയറി ഭീകരാന്തരീക്ഷം സൃഷ്ടിച്ച് കോളേജ് പ്രവർത്തനങ്ങൾ തടസ്സപ്പെടുത്തിയ സംഭവത്തിൽ,
കഠിനാധ്വാനത്തിലൂടെ ഉയർന്നുവന്ന നേതാവാണ് കെ. ശങ്കരനാരായണൻ : ആർച്ച്ബിഷപ്പ് കളത്തിപ്പറമ്പിൽ
കഠിനാധ്വാനത്തിലൂടെ ഉയർന്നുവന്ന നേതാവാണ് കെ. ശങ്കരനാരായണൻ : ആർച്ച്ബിഷപ്പ് കളത്തിപ്പറമ്പിൽ കൊച്ചി : കെ. ശങ്കരനാരായണന്റെ വേർപാടിൽ ആർച്ച്ബിഷപ്പ് ഡോ. ജോസഫ് കളത്തിപ്പറമ്പിൽ അനുശോചനമറിയിച്ചു. നാലുതവണ
