വരാപ്പുഴ അതിരൂപത യുവജന സംഗമം സംഘടിപ്പിച്ചു
വരാപ്പുഴ അതിരൂപത യുവജന
സംഗമം സംഘടിപ്പിച്ചു.
കാക്കനാട്: വരാപ്പുഴ അതിരൂപത യൂത്ത് കമ്മീഷന്റെ നേതൃത്വത്തിൽ കാക്കനാട് ചെമ്പുമുക്ക് സെന്റ് മൈക്കിൾസ് പാരീഷ് ഹാളിൽ സംഘടിപ്പിച്ച യുവജന സംഗമം ഇല്യൂമിനൈറ്റ് 2022 മന്ത്രി റോഷി അഗസ്റ്റിൻ ഉദ്ഘാടനം ചെയ്തു.
വരാപ്പുഴ ആർച്ച്ബിഷപ് ഡോ.ജോസഫ് കളത്തിപറമ്പിൽ അധ്യക്ഷത വഹിച്ച ചടങ്ങിൽ ഹൈബി ഈഡൻ എം.പി, ഉമ തോമസ് എംഎൽഎ, സെന്റ് മൈക്കിൾസ് ഇടവക വികാരി ഫാ. ടൈറ്റസ് കുരിശുവീട്ടിൽ, യൂത്ത് കമ്മീഷൻ ഡയറക്ടർ ഫാ. ജിജു തിയ്യാടി, കെസിവൈഎം പ്രൊമോട്ടർ ഫാ.ഷിനോജ് ആറാഞ്ചേരി, യൂത്ത് കമ്മീഷൻ സെക്രട്ടറി ഫ്രാൻസീസ് ഷെൻസൺ, യൂത്ത് കോഡിനേറ്റർ സിബിൻ യേശുദാസ് , കെസിവൈഎം പ്രസിഡന്റ് ആഷ്ലിൻ പോൾ, സിഎൽസി പ്രസിഡന്റ് തോബിയാസ് കൊർണേലി, ജീസസ് യൂത്ത് പ്രസിഡന്റ് നെൽസൺ പയസ് എന്നിവർ ആശംസകൾ നേർന്നു. വിവിധ മേഖലകളിൽ മികവു തെളിയിച്ച അതിരൂപതയിലെ യുവപ്രതിഭകൾക്ക് സിനിമാതാരം ബാലു വർഗീസ് പുരസ്കാരങ്ങൾ വിതരണം ചെയ്തു. യൂത്ത് കമ്മീഷൻ പ്രസിദ്ധീകരിക്കുന്ന മാഗസിൻ ചടങ്ങിൽ പ്രകാശനം ചെയ്തു. സംഗീത സംവിധായകൻ അൽഫോൻസ് ജോസഫ് യുവജനങ്ങളുമായി സംവദിച്ചു. വരാപ്പുഴ അതിരൂപതയിലെ യുവജന സംഘടനകളായ കെസിവൈഎം , ജീസസ് യൂത്ത് , സിഎൽസി എന്നീ സംഘടനകളുടെ നേതൃത്വത്തിൽ നടത്തിയ കലാപരിപാടികളും
ഡി ജെ സാവിയോ നേതൃത്വം നൽകിയ സംഗീത വിരുന്നും യൂത്ത് മീറ്റിനോടനുബന്ധിച്ച് സംഘടിപ്പിച്ചിരുന്നു. വരാപ്പുഴ അതിരൂപതയുടെ വിവിധ ഇടവകകളിൽ നിന്നും രണ്ടായിരത്തിലധികം പ്രതിനിധികൾ യുവജന സംഗമത്തിൽ പങ്കെടുത്തു.
Related Articles
ദൈവദാസി മദര്‍ ഏലീശ്വയുടെ 109-ാം ചരമ വാര്‍ഷികാനുസ്മരണം:2022 ജുലൈ 18-ന് ആചരിച്ചു
ദൈവദാസി മദര്‍ ഏലീശ്വയുടെ 109-ാം ചരമ വാര്‍ഷികാനുസ്മരണം : 2022 ജുലൈ 18-ന് ആചരിച്ചു. കൊച്ചി: ദൈവദാസി മദര്‍ ഏലീശ്വയുടെ 109-ാം ചരമ വാര്‍ഷികം വരാപ്പുഴ
ജോസഫ് അട്ടിപ്പേറ്റി പിതാവും സാമൂഹ്യപ്രവർത്തനങ്ങളും
ജോസഫ് അട്ടിപ്പേറ്റി പിതാവും സാമൂഹ്യപ്രവർത്തനങ്ങളും ഒന്നാം ലോകമഹായുദ്ധം കഴിഞ്ഞ് രണ്ടാം ലോകമഹായുദ്ധത്തിന്റെ വക്കിൽ ലോകം നിൽക്കുമ്പോഴാണ് അട്ടിപ്പേറ്റിപിതാവ് വരാപ്പുഴ അതിരൂപതയുടെ സാരഥ്യം ഏൽക്കുന്നത്. നാടെങ്ങും ജനങ്ങൾ, പ്രത്യേകിച്ചു
ജൂബിലി സ്മാരകത്തിന് തറക്കല്ലിട്ടു.
ജൂബിലി സ്മാരകത്തിന് തറക്കല്ലിട്ടു. കൊച്ചി : വല്ലാർപാടം പള്ളിയുടെ മഹാ ജൂബിലി സ്മാരകമായി തീർത്ഥാടകർക്ക് താമസ സൗകര്യത്തിനായി നിർമ്മിക്കുന്ന ബഹുനില കെട്ടിടത്തിന്റെ ശിലാ സ്ഥാപനകർമം വരാപ്പുഴ
