വരാപ്പുഴ പള്ളി ‘മൈനർ ബസിലിക്ക’ പദവിയിലേക്ക് :

 

വരാപ്പുഴ അതിരൂപതയിലെ കർമ്മല മാതാവിൻറെയും വിശുദ്ധ യൗസേപ്പിതാവിന്റെയും നാമധേയത്തിലുള്ള വരാപ്പുഴ പള്ളി ‘മൈനർ ബസിലിക്ക’ പദവിയിലേക്ക് :

കൊച്ചി : വരാപ്പുഴ അതിരൂപതയിലെ കർമ്മല മാതാവിൻറെയും വിശുദ്ധ യൗസേപ്പിതാവിന്റെയും ദേവാലയമായ വരാപ്പുഴ പള്ളി ‘മൈനർ ബസിലിക്ക’ പദവിയിലേക്ക്. വരാപ്പുഴ അതിരൂപതയിൽ ബസിലിക്ക പദവി ലഭിക്കുന്ന രണ്ടാമത്തെ ദേവാലയമാണ് ഇത്. വല്ലാർപാടം മരിയൻ തീർത്ഥാടന കേന്ദ്രമാണ് ബസിലിക്കാ പദവി ലഭിച്ച, വരാപ്പുഴ അതിരൂപതയിലെ മറ്റൊരു ദേവാലയം.

വരാപ്പുഴ അതിരൂപത മെത്രാപ്പോലീത്ത ഡോ. ജോസഫ് കളത്തിപ്പറമ്പിൽ പിതാവ്, ഈ കാര്യങ്ങളുടെ ചുമതലയുള്ള റോമിലെ ‘Congregation for Divine Worship and the Discipline of the Sacraments’ എന്ന തിരുസംഘത്തോട് ആവശ്യപ്പെട്ടതു പ്രകാരമാണ് ബസിലിക്ക എന്ന പദവി ഫ്രാൻസിസ് പാപ്പായുടെ അനുമതിയോടെ വരാപ്പുഴ Our Lady of Mount Carmel and St. Joseph (കർമ്മല മാതാവിൻറെയും വിശുദ്ധ യൗസേപ്പിതാവിന്റെയും ദേവാലയം) ദേവാലയത്തിനു ഇപ്പോൾ ലഭിച്ചിരിക്കുന്നത്.

1659 ൽ മലബാർ വികാരിയാത്തു ആയി സ്ഥാപിതമായി , 1709 ൽ വരാപ്പുഴ വികാരിയത്തായി പുനർനാമകരണം ചെയ്യപ്പെട്ട് , പിന്നീട് 1886 ൽ അതിരൂപത ആയി ഉയർത്തപ്പെട്ടതാണ് വരാപ്പുഴ അതിരൂപത.

എ ഡി 1673 ൽ ആണ് വരാപ്പുഴ ദൈവാലയം നിർമ്മിക്കപ്പെട്ടത്. മൂന്നു നൂറ്റാണ്ടോളം റീത്തു ഭേദമന്യേ കേരള കത്തോലിക്ക വിശ്വാസികളുടെ ആത്മീയവും ഭൗതീകവുമായ ഭരണനിർവഹണം നടത്തിയിരുന്നത് വരാപ്പുഴയിൽ നിന്നായിരുന്നു. 18 ആം നൂറ്റാണ്ട് മുതൽ വരാപ്പുഴ വികാരിയത്തിൻറെ തലവന്മാർ ആയിരുന്ന അപ്പസ്തോലിക വികാരിമാരുടെ ആസ്ഥാനമായിരുന്നു വരാപ്പുഴ ദേവാലയത്തോട് ചേർന്നുള്ള കർമലീത്ത ആശ്രമം. 1904 വരെ ഇവിടെ ആയിരുന്നു വരാപ്പുഴ അതിരൂപത മെത്രാപ്പോലീത്തമാരുടെ ഔദ്യോഗിക വസതി. 1904 ൽ വരാപ്പുഴ മെത്രാപ്പോലീത്തമാരുടെ ഔദ്യോഗിക വസതി എറണാകുളത്തേക്ക് മാറ്റി സ്ഥാപിച്ചു. എന്നിരുന്നാലും അതിരൂപതയുടെ ശീർഷകം ആയി വരാപ്പുഴ എന്ന നാമം നിലനിർത്തി.

കത്തോലിക്കാ സഭയിലെ രണ്ടു മധ്യസ്ഥരുടെ നാമത്തിൽ ആണ് ഈ ദേവാലയം സ്ഥാപിക്കപ്പെട്ടത് . കർമ്മലമാതാവും വിശുദ്ധ യൗസേപ്പിതാവും. 1936 ൽ വരാപ്പുഴ അതിരൂപത കത്തീഡ്രൽ എറണാകുളത്തേക്ക് മാറ്റി സ്ഥാപിക്കുന്നത് വരെ വരാപ്പുഴയിലെ കർമ്മല മാതാവിന്റെയും വി. യൗസേപ്പിതാവിന്റെയും ഈ ദേവാലയമായിരുന്നു വരാപ്പുഴ അതിരൂപതയുടെ കത്തീഡ്രൽ പള്ളി.

കർമ്മലീത്ത വൈദീകനും ഹോർത്തൂസ് മലബാറിക്യൂസ് എന്ന വിഖ്യാദ ഗ്രന്ഥത്തിന്റെ സഹരചയിതാവുമായ ഫാ. മത്തേവൂസ് ഓ. സി. ഡി. ആണ് ഈ ദേവാലയം ഇവിടെ നിർമ്മിച്ചത്.

കത്തോലിക്കാ സഭയിൽ ചില ദേവാലയങ്ങൾക്ക് മാത്രം കൊടുക്കുന്ന പ്രത്യേക പരിഗണനയാണ് ബസിലിക്ക പള്ളി എന്ന ശീർഷകം. ഒരു ദേവാലയത്തിന്റെ ചരിത്രപരമായതും വിശ്വാസ സംബന്ധമായതും ആയ പ്രാധാന്യവും, പ്രസ്തുത ദേവാലയത്തിൻറെ വാസ്തുശില്പകലയിലെ വൈഭവവും കണക്കിലെടുത്താണ് ഇപ്രകാരം ഒരു ശീർഷകം നൽകപ്പെടുന്നത്. കൂടാതെ കത്തോലിക്ക സഭയുടെ പരമാധ്യക്ഷനായ റോമിലെ പാപ്പയോടുള്ള ബന്ധത്തെയും ഈ ശീർഷകം ഓർമിപ്പിക്കുന്നു. ഒരു ദേവാലയം ബസിലിക്കയായി ഉയർത്തപ്പെട്ടതുവഴി ആരാധനക്രമപരമായ കൂടുതൽ ഉത്തരവാദിത്തങ്ങൾ ആ ദേവാലയത്തിന് ഉണ്ടാവുന്നു. താമസിയാതെ അതിരൂപത തലത്തിലുള്ള ഔദോഗിക പ്രഖ്യാപനം വരാപ്പുഴ അതിരൂപത മെത്രാപ്പോലീത്ത ഡോ. ജോസഫ് കളത്തിപ്പറമ്പിൽ പിതാവ് നടത്തുന്നതായിരിക്കും.

വരാപ്പുഴ വികാരിയത്തിൽ 1857 സ്ഥാപിതമായ ലത്തീൻ കർമ്മലീത്ത മൂന്നാം സഭയുടെ ഇപ്പോഴത്തെ രൂപമായ നിഷ്പാദുക കർമലീത്താ സഭയിലെ മഞ്ഞുമ്മൽ പ്രൊവിൻസിലെ വൈദികരാണ് ഇപ്പോൾ ഈ ദൈവാലയത്തിൽ അജപാലന ശുശ്രൂഷ നടത്തുന്നത് .


Related Articles

മംഗോളിയയിലെ ചെറിയ അജഗണവും അവരുടെ ഇടയനും

കിഴക്കന്‍ ഏഷ്യന്‍ രാജ്യമായ മംഗോളിയയിലെ ചെറിയ അജഗണത്തിന്‍റെ ഇടയന്‍, ബിഷപ്പ് ജോര്‍ജ്യോ മരേംഗോ പാപ്പാ ഫ്രാന്‍സിസുമായി നടന്ന കൂടിക്കാഴ്ച.  1. അതിരുകള്‍ തേടുന്ന അജപാലന വീക്ഷണം മംഗോളിയയില്‍

അഷ്ടസൗഭാഗ്യങ്ങൾ – ക്രൈസ്തവന്‍റെ തിരിച്ചറിയൽ രേഖ : ഫ്രാൻസിസ് പാപ്പാ

കഴിച്ച് സെപ്റ്റംബർ നാല് മുതൽ പത്ത് വരെ നീണ്ട തൻറെ ആഫ്രിക്കൻ അപ്പസ്തോലിക യാത്രയിൽ മൗറീഷ്യസിൽ വിശുദ്ധ ബലി മദ്ധ്യേ നൽകിയ സന്ദേശത്തിലാണ് പാപ്പാ ഫ്രാൻസിസ് ഇപ്രകാരം പറഞ്ഞത്. വിശുദ്ധ മത്തായിയുടെ സുവിശേഷം അഞ്ചാം അധ്യായം ഒന്നു മുതൽ പന്ത്രണ്ട് വരെയുള്ള വചനങ്ങളെ ആധാരമാക്കിയാണ് അദ്ദേഹം സന്ദേശം നൽകിയത്. അഷ്ടസൗഭാഗ്യങ്ങൾ ഒരു ക്രിസ്ത്യാനിയുടെ തിരിച്ചറിയൽ രേഖ പോലെയാണ്. അതിനാൽ എങ്ങനെ ഒരു നല്ല ക്രൈസ്തവനാകണമെന്ന് ആരെങ്കിലും ചോദിച്ചാൽ അതിനു ഉത്തരം വ്യക്തമായി നൽകുവാൻ കഴിയും. നമ്മുടെ വ്യക്തിപരമായ ജീവിത വഴികളിൽ ക്രിസ്തു പഠിപ്പിച്ച ഈ അഷ്ടസൗഭാഗ്യത്തെ അനുസരിച്ചു ജീവിക്കാൻ കഴിയണം. മൗറീഷ്യസിലെ പോർട്ട് ലൂയിസ് എന്ന സ്ഥലത്തെ വിഖ്യാതമായ സമാധാന രാജഞിയായ പരിശുദ്ധ കന്യകാമറിയത്തിന്‍റെ സ്‌മാരകത്തിൽ വച്ച് ഏകദേശം ഒരു ലക്ഷത്തോളം ആളുകളോട് ചേർന്നു സമൂഹബലിക്കു പാപ്പാ ഫ്രാൻസിസ് മുഖ്യകാർമികത്വം വഹിച്ചു .ഒന്നാം ലോകമഹായുദ്ധകാലത്ത് ഈ രാജ്യത്തിന് ലഭിച്ച സംരക്ഷണത്തിന്

വിശ്വാസ വേരുകൾ സംരക്ഷിക്കാനും ഇളംതലമുറയ്ക്ക് പകർന്ന് കൊടുക്കാനും വിരമിക്കൽ പ്രായമില്ല വയോധികരോടു പാപ്പാ

വിശ്വാസ വേരുകൾ സംരക്ഷിക്കാനും ഇളംതലമുറയ്ക്ക് പകർന്ന് കൊടുക്കാനും വിരമിക്കൽ പ്രായമില്ല വയോധികരോടു പാപ്പാ   വത്തിക്കാന്‍  : മുത്തശ്ശീമുത്തച്ഛൻമാർക്കും വയോധികർക്കുമായുള്ള പ്രഥമ ആഗോള ദിനത്തോടനുബന്ധിച്ച് പാപ്പയുടെ സന്ദേശം.

No comments

Write a comment
No Comments Yet! You can be first to comment this post!

Write a Comment

<