“ഫോക്കൊളാരി” പ്രസ്ഥാനത്തിൻറെ പ്രതിനിധികൾ പാപ്പായെ സന്ദർശിച്ചു!

by admin | September 27, 2021 6:22 am

“ഫോക്കൊളാരി” പ്രസ്ഥാനത്തിൻറെ

പ്രതിനിധികൾ

പാപ്പായെ സന്ദർശിച്ചു!

 

വത്തിക്കാൻ : കൂട്ടായ്മയ്ക്കുള്ള സേവനത്തിൽ എന്നും വളരുന്നതിന് തുറവുള്ളതും എല്ലാവരെയും ഉൾക്കൊള്ളുന്നതുമായ സൗഹൃദത്തിൻറെ സരണിയിൽ മുന്നേറാനുള്ള പരിശ്രമത്തിന് പാപ്പാ “ഫോക്കൊളാരി” പ്രസ്ഥാനത്തിന് നന്ദി പ്രകാശിപ്പിക്കുന്നു.

“ഫോക്കൊളാരി” പ്രസ്ഥാനം എന്നും അതിൻറെ സ്ഥാപകയായ ക്യാരലുബിക്കിൽ നിന്നു ലഭിച്ച സിദ്ധിക്കനുസൃതം, സഭയുടെയും സഭാംഗങ്ങളുടെയും അഖിലലോകത്തിൻറെയും ഐക്യത്തിൻറെ പൊരുളും ആ ഐക്യത്തിനുള്ള സേവനവും ഊട്ടിവളർത്തുന്നുവെന്ന് പാപ്പാ ശ്ലാഘിക്കുന്നു.

ഈ പ്രസ്ഥാനത്തിലെ അംഗങ്ങളും അഭ്യുദയകാംഷികളുമായ മെത്രാന്മാരും മറ്റുള്ളവരുമുൾപ്പെടെയുള്ള പതിനഞ്ചോളം പേരെ ശനിയാഴ്‌ച (25/09/21) വത്തിക്കാനിൽ സ്വീകരിച്ചു സംബോധന ചെയ്യുകയായിരുന്നു ഫ്രാൻസീസ് പാപ്പാ.

വിശ്വാസത്തിലും പ്രത്യാശയിലും ഉപവിയിലുമുള്ള ഐക്യത്തിൽ ദൈവജനത്തെ പടുത്തുയർത്തുന്നതിന് ആ ജനത്തിൻറെ ശുശ്രൂഷകരായ മെത്രാന്മാരുടെ സേവനവും “ഫോക്കൊളാരി” പ്രസ്ഥാനത്തിൻറെ സിദ്ധിയും തമ്മിൽ ബന്ധമുണ്ടെന്ന് പാപ്പാ വിശദീകരിച്ചു.

ഐക്യം ഉള്ളവരായിരിക്കുന്നതിന് ധൈര്യം ആവശ്യമാണെന്നും ഈ ധൈര്യത്തിന് സാക്ഷികളാണ് വിശുദ്ധരെന്നും പാപ്പാ പറഞ്ഞു.

കൂട്ടായ്മയ്ക്കുള്ള സേവനത്തിൽ എന്നും വളരുന്നതിന് തുറവുള്ളതും എല്ലാവരെയും ഉൾക്കൊള്ളുന്നതുമായ സൗഹൃദത്തിൻറെ സരണിയിൽ മുന്നേറുന്നതിനുള്ള പരിശ്രമത്തിന് പാപ്പാ “ഫോക്കൊളാരി” പ്രസ്ഥാനത്തിന് നന്ദി പ്രകാശിപ്പിക്കുകയും ചെയ്തു.

 

Source URL: https://keralavani.com/%e0%b4%ab%e0%b5%8b%e0%b4%95%e0%b5%8d%e0%b4%95%e0%b5%8a%e0%b4%b3%e0%b4%be%e0%b4%b0%e0%b4%bf-%e0%b4%aa%e0%b5%8d%e0%b4%b0%e0%b4%b8%e0%b5%8d%e0%b4%a5%e0%b4%be%e0%b4%a8%e0%b4%a4%e0%b5%8d/

---