മുട്ടിനകത്തെ അടുക്കളകളിൽ ഇനി മുട്ടിനകത്തെ പച്ചക്കറി

by admin | May 23, 2020 3:09 am

മുട്ടിനകം : വരാപ്പുഴ അതിരൂപതയുടെ കീഴിലുള്ള മുട്ടിനകം സെൻറ് . മേരീസ് പള്ളിയുടെ നേതൃത്വത്തിൽ ജാതി മത ഭേദമന്യ എല്ലാവരെയും പച്ചക്കറി കൃഷിയുടെ നന്മയിലേക്ക് നയിക്കാൻ “ഗ്രീൻ മുട്ടിനകം മിഷൻ 2020 -2021” എന്ന പദ്ധതി ഉത്ഘാടനം ചെയ്തു . കൊറോണ മഹാമാരിയുടെ പശ്ചാത്തലത്തിൽ കേരള സർക്കാർ ആവിഷ്‌കരിച്ചിട്ടുള്ള “സുഭിക്ഷ കേരളം ” എന്ന പദ്ധതി ഇതിനു പ്രചോദനമായി. ഈ പരിപാടി മുട്ടിനകത്തിന്റെ ഗ്രാമഭംഗി നൂറു മടങ്ങായി വർധിപ്പിക്കും എന്ന് മാത്രമല്ല ‘നമ്മുടെ അടുക്കളയിലേക്കു നമ്മുടെ പച്ചക്കറി’ എന്ന വരാപ്പുഴ അതിരൂപത അധ്യക്ഷൻ ആർച്ച്ബിഷപ് ഡോ . ജോസഫ് കളത്തിപ്പറമ്പിൽ നൽകിയ ആഹ്വാനം കൂടി ഇവിടെ നടപ്പാവുകയാണ് .

 

പരിപാടിയുടെ ഉത്ഘാടനം വരാപ്പുഴ സർക്കിൾ ഇൻസ്‌പെക്ടർ ശ്രീ . ഹരിലാൽ , വരാപ്പുഴ അതിരൂപത പരിസ്ഥിതി കമ്മീഷൻ ഡയറക്ടർ ഫാ . സെബാസ്റ്യൻ കറുകപ്പിള്ളിക്ക് തക്കാളിച്ചെടിയുടെ ഗ്രോ ബാഗ് നൽകിക്കൊണ്ട് നിർവഹിച്ചു .

 

ഈ പദ്ധതി പരിപൂർണ വിജയത്തിലെത്താൻ മുട്ടിനകം പ്രദേശത്തെ എല്ലാവരുടെയും സഹകരണം ഉണ്ടാകണമെന്ന് വികാരി , ഫാ . സെബാസ്റ്യൻ മൂന്നുകൂട്ടുങ്കൽ അഭ്യർത്ഥിച്ചു. 

പ്രത്യകിച്ചു കുട്ടികളിലേക്ക് ഈ നന്മയുടെ സന്ദേശം പകരാൻ കുട്ടികൾ വീട്ടിലിരുന്നുകൊണ്ടു ഇതിൽ പങ്കെടുക്കാൻ വീഡിയോ പ്രോഗ്രാം സജ്ജമാക്കി . പരിസ്ഥിതി പ്രവർത്തകൻ ശ്രീ. സ്വരൂപ് ചടങ്ങിൽ ആശംസകൾ അർപ്പിച്ചു .

Share this:

Source URL: https://keralavani.com/%e0%b4%ae%e0%b5%81%e0%b4%9f%e0%b5%8d%e0%b4%9f%e0%b4%bf%e0%b4%a8%e0%b4%95%e0%b4%a4%e0%b5%8d%e0%b4%a4%e0%b5%86-%e0%b4%85%e0%b4%9f%e0%b5%81%e0%b4%95%e0%b5%8d%e0%b4%95%e0%b4%b3%e0%b4%95%e0%b4%b3%e0%b4%bf/