ചരിത്ര രേഖകളുടെ പരിപാലനം നമ്മുടെ കടമ : ആർച്ച് ബിഷപ്പ് ഡോ. ജോസഫ് കളത്തിപ്പറമ്പിൽ
ചരിത്ര രേഖകളുടെ പരിപാലനം
നമ്മുടെ കടമ : ആർച്ച്
ബിഷപ്പ് ഡോ. ജോസഫ്
കളത്തിപ്പറമ്പിൽ.
കൊച്ചി :ചരിത്ര രേഖകളുടെ സംരക്ഷണവും പുരാതന വസ്തുക്കളുടെ പരിപാലനവും നമ്മുടെ കടമയാണെന്ന് വരാപ്പുഴ ആർച്ച് ബിഷപ്പ് ഡോ. ജോസഫ് കളത്തിപ്പറമ്പിൽ പറഞ്ഞു. വരാപ്പുഴ അതിരൂപത ആർകൈവ്സ് – ന്റെ ഭാഗമായി ആരംഭിച്ച കൺസർവേഷൻ ലാബിന്റെ ഉദ്ഘാടനവും ആശീർവാദവും നിർവഹിച്ചു സംസാരിക്കുകയായിരുന്നു അദ്ദേഹം. പൈതൃകമായ പാരമ്പര്യങ്ങൾ പേറുന്ന അതിരൂപതയുടെ ചരിത്രത്തിന്റെ വേരുകൾ തേടിയുള്ള സഞ്ചാരത്തിന് ഏറെ ഗുണപ്രദമാണ് പുതുതായി ആരംഭിച്ച കൺസർവേഷൻ ലാബ് എന്ന് ആർച്ച്ബിഷപ് കൂട്ടിച്ചേർത്തു.
അതിരൂപത വികാർ ജനറൽമാരായ മോൺ മാത്യു കല്ലിങ്കൽ, മാത്യു ഇലഞ്ഞിമറ്റം, ചാൻസലർ ഫാ.എബിജിൻ അറക്കൽ, പ്രൊക്യുറേറ്റർ ഫാ.മാത്യു സോജൻ മാളിയേക്കൽ, ചരിത്രകാരനും ഗവേഷക അധ്യാപകനുമായ ഡോ.പി ജെ ചെറിയാൻ,ചരിത്ര ഗവേഷകൻ സത്യജിത്ത് ഐബിൻ, ആർട്സ് ആൻഡ് കൾച്ചറൽ കമ്മീഷൻ ഡയറക്ടർ ഫാ. അൽഫോൻസ് പനക്കൽ എന്നിവർ പ്രസംഗിച്ചു.
അതിരൂപതയെ സംബന്ധിച്ച പുരാതനമായ ചരിത്രരേഖകളും വിലപ്പെട്ട രേഖകളും സൂക്ഷിച്ചിരിക്കുന്ന ആർകൈവ്സ് ന്റെയും ആർട്സ് ആൻഡ് കൾച്ചറൽ കമ്മീഷന്റേയും നേതൃത്വത്തിൽ അനുബന്ധപദ്ധതികൾ ആവിഷ്ക്കരിക്കും.
ചടങ്ങിൽ പ്രമുഖ ചരിത്രകാരന്മാരും ഗവേഷണ വിദ്യാർത്ഥികളും പങ്കെടുത്തു.
Related Articles
വരാപ്പുഴ അതിരൂപത മതബോധന രംഗത്തിനു വേണ്ടി ജീവിതം വ്യയം ചെയ്ത വ്യക്തിത്വം ..ഹെൻറി സർ ..
വരാപ്പുഴ അതിരൂപത മതബോധന രംഗത്തിനു വേണ്ടി ജീവിതം വ്യയം ചെയ്ത വ്യക്തിത്വം ..ഹെൻറി സർ .. കൊച്ചി : വരാപ്പുഴ മതബോധന രംഗത്ത് ജ്വലിക്കുന്ന മുഖമാണ് ഹെൻറി
ലത്തീന്‍ സമുദായത്തിന്‍റെ പിന്നാക്കാവസ്ഥ പഠിക്കാന്‍ കമ്മീഷനെ നിയമിക്കുന്നില്ലെങ്കില്‍ പ്രക്ഷോഭം ആരംഭിക്കും
കൊച്ചി : 12 രൂപതകളിലായി വ്യാപിച്ചുകിടക്കുന്ന കേരളത്തിലെ ലത്തീന്‍ കത്തോലിക്കര്‍ കൂടുതലും തീരപ്രദേശത്ത് താമസിക്കുന്നവരും സാമൂഹികമായും, സാമ്പത്തികമായും വിദ്യാഭ്യാസപരമായും പിന്നോക്കാവസ്ഥയിലുള്ളവരുമാണ്. എന്നാല്‍, ഈ വിഭാഗത്തിന്‍റെ പിന്നോക്കാവസ്ഥ പഠിക്കുന്നത്
ബിഷപ്പ് ഡോ.അലക്സ് വടക്കുംതല കോട്ടപ്പുറം രൂപത അപ്പസ്തോലിക് അഡ്മിനിസ്ട്രേറ്റർ
ബിഷപ്പ് ഡോ.അലക്സ് വടക്കുംതല കോട്ടപ്പുറംരൂപതഅപ്പസ്തോലിക് അഡ്മിനിസ്ട്രേറ്റർ കോട്ടപ്പുറം (തൃശൂർ): കണ്ണൂർ ബിഷപ്പ് ഡോ. അലക്സ് വടക്കുംതലയെ കോട്ടപ്പുറം രൂപതയുടെ അപ്പസ്തോലിക് അഡ്മിനിസ്ട്രേറ്ററായി ഫ്രാൻസിസ് പാപ്പ നിയമിച്ചു.
