പാവങ്ങളുടെ കർദ്ദിനാൾ കോത്തൊ കൊറായി കാലംചെയ്തു

പാവങ്ങളുടെ കർദ്ദിനാൾ കോത്തൊ കൊറായി കാലംചെയ്തു

പാവങ്ങളുടെ കർദ്ദിനാൾ കോത്തൊ കൊറായി കാലംചെയ്തു

 

വത്തിക്കാൻ : ദക്ഷിണാഫ്രിക്കയിലെ ലസോത്തോയിലെ കർദ്ദിനാൾ സെബാസ്റ്റ്യൻ കോത്തൊ കൊറായി അന്തരിച്ചു. പാപ്പാ ഫ്രാൻസിസ് അനുശോചനം രേഖപ്പെടുത്തി.

 

1. വിശ്രമകാലത്തും കർമ്മനിരതൻ :

ദക്ഷിണാഫ്രിക്കയിലെ ലസോത്തോയിലെ മൊഹാലെസ് ഹോക് അതിരൂപതയുടെ ഇപ്പോഴത്തെ മെത്രാപ്പോലീത്ത ആർച്ചുബിഷപ്പ് ജോൺ തിഹമേളായ്ക്ക് അയച്ച ടെലിഗ്രാം സന്ദേശത്തിലൂടെയാണ് പാപ്പാ അനുശോചനം അറിയിച്ചത്. വിശ്രമജീവിതത്തിലും കർമ്മനിരതനായിരുന്ന കർദ്ദിനാൾ വാർദ്ധക്യ സഹജമായ രോഗങ്ങളാലാണ് ഏപ്രിൽ 17-ന് 92-ാമത്തെ വയസ്സിൽ അന്തരിച്ചത്.

2. പാവങ്ങളുടെ പ്രേഷിതൻ :

അമലോത്ഭവനാഥയുടെ നാമത്തിലുള്ള (Oblates of Mary Immaculate – omi) സന്ന്യാസ സമൂഹത്തിലെ അംഗമാണ് കർദ്ദിനാൾ കൊറായി. ലസോത്തോയിലെ പാവങ്ങളായ ജനങ്ങളുടെ വിദ്യാഭ്യാസ പുരോഗതിക്കായും സാമൂഹിക അഭിവൃദ്ധിക്കായും കർദ്ദിനാൾ കൊറായി ചെയ്തിട്ടുള്ള സേവനങ്ങളും പാവങ്ങളോടുള്ള പ്രതിപത്തിയും മാതൃകാപരമാണെന്ന് പാപ്പാ സന്ദേശത്തിൽ പ്രസ്താവിച്ചു. പതറാത്ത അജപാലന സമർപ്പണത്തിലൂടെയും തീക്ഷ്ണമായ സന്ന്യാസ ജീവിതത്തിലൂടെയും തീവ്രമായ പ്രേഷിത പ്രവർത്തനങ്ങളിലൂടെയും സഭയെ സമ്പന്നമാക്കിയ ഈ നല്ലിടയന്‍റെ ആത്മാവിന് സ്വർഗ്ഗീയ പിതാവു നിത്യശാന്തി നല്കട്ടെയെന്നു പാപ്പാ പ്രാർത്ഥിച്ചു. കർദ്ദിനാൾ കൊറായിയുടെ ദേഹവിയോഗത്തിൽ വേദനിക്കുന്ന കുടുംബാംഗങ്ങൾക്കും, ബന്ധുമിത്രാദികൾക്കും അജഗണങ്ങൾക്കും സാന്ത്വനം നേർന്നുകൊണ്ടാണ് പാപ്പാ സന്ദേശം ഉപസംഹരിച്ചത്.

3. കർദ്ദിനാൾപട്ടം വാങ്ങാൻ
റോമിൽ വരാൻ സാധിക്കാതെ പോയ കർദ്ദിനാൾ : 

കഠിനാദ്ധ്വാനിയും ഏറെ ത്യാഗിയുമായ ബിഷപ്പ് കൊറായിയുടെ സമര്‍പ്പണത്തിനുള്ള അംഗീകാരമായിരിക്കാം തേടിയെത്തിയ കര്‍ദ്ദിനാള്‍ പദവി! ഇത് അദ്ദേഹത്തെ അടുത്ത് അറിയുന്നവരുടെ അഭിപ്രായമാണ്. 2016 നവംബറിൽ വത്തിക്കാനിൽ നടന്ന കർദ്ദിനാളന്മാരുടെ സ്ഥാനാരോഹണച്ചടങ്ങിൽ കർദ്ദിനാൾ കൊറായി മാത്രം എത്തിയിരുന്നില്ല. തന്‍റെ അസാന്നിദ്ധ്യത്തിനു കാരണം പാപ്പാ ഫ്രാൻസിസിനെ അദ്ദേഹം വ്യക്തിപരമായി എഴുതി അറിയിച്ചിരുന്നതായി ജനങ്ങളെ അറിയിച്ചു. കര്‍ദ്ദിനാള്‍പട്ടം വാങ്ങാന്‍ റോമിലേയ്ക്കു യാത്രചെയ്യാൻ വേണ്ട ചിലവുകളും, പിന്നെ കര്‍ദ്ദിനാളിന് ആവശ്യമായ പുതിയ കുപ്പായവും കോട്ടുമൊക്കെ തയ്യാറാക്കുന്നതിനുള്ള പണവും തന്‍റെ അനാഥാലയത്തിലെ പാവങ്ങളായ കുട്ടികൾക്ക് ഉള്ളതല്ലേ എന്നു വിചാരിച്ചാണ്, ആഴമായ വിശ്വാസത്തോടൊപ്പം മൗലികചിന്താഗതിയും മാനുഷിക മൂല്യങ്ങളും മുറുകെ പിടിക്കുന്ന കർദ്ദിനാൾ കൊറായി റോമായാത്ര ഒഴിവാക്കാൻ കാരണമായതെന്ന് ആഫ്രിക്കക്കാരനായ ഫാദര്‍ പോൾ സാമാസുമോ പങ്കുവച്ചു.

 


Related Articles

പെസഹ…… എന്തുകൊണ്ടാണ്ഇത്രയേറെ ആശ്ചര്യജനകമാകുന്നത്?

പെസഹ….എന്തുകൊണ്ടാണ്ഇത്രയേറെ ആശ്ചര്യജനകമാകുന്നത്?  വത്തിക്കാൻ : മാർച്ച് 28, ഓശാന ഞായറാഴ്ച പാപ്പാ ഫ്രാൻസിസ് പങ്കുവച്ച ട്വിറ്റർ സന്ദേശം : “യേശുവും അവിടുത്തെ പെസഹായും എന്തുകൊണ്ടാണ് ഇത്രയേറെ ആശ്ചര്യജനകമാകുന്നത്?

ഏപ്രിൽ 22 വ്യാഴാഴ്ച : ലോക ഭൗമദിനം

  ഏപ്രിൽ 22 വ്യാഴാഴ്ച : ലോക ഭൗമദിനം   വത്തിക്കാൻ :  മുറിപ്പെട്ട ബന്ധങ്ങളെ സൗഖ്യപ്പെടുത്തേണ്ടത് അനിവാര്യമെന്ന് പാപ്പാ ഫ്രാൻസിസ്.    ഭൗമദിനത്തിൽ  വത്തിക്കാനിൽനിന്നും പാപ്പാ

ഫ്രാൻസിസ് പാപ്പായുടെ ആരോഗ്യം തൃപ്തികരം….

ഫ്രാൻസിസ് പാപ്പായുടെ ആരോഗ്യം തൃപ്തികരം…   വത്തിക്കാന്‍  : ഫ്രാൻസിസ് പാപ്പയുടെ  ശസ്ത്രക്രിയ  വിജയകരമായി പൂർത്തിയായി   ജൂലൈ അഞ്ചാം തീയതി രാവിലെ ഇറക്കിയ മെഡിക്കൽ ബുള്ളറ്റിനിൽ

No comments

Write a comment
No Comments Yet! You can be first to comment this post!

Write a Comment

<