സമുദായഭേദമെന്യേ ഒറ്റക്കെട്ടായി നിലനിൽക്കണം: ശ്രീ. ടി.ജെ വിനോദ് എം.എൽ.എ

സമുദായഭേദമെന്യേ ഒറ്റക്കെട്ടായി

നിലനിൽക്കണം: ശ്രീ. ടി.ജെ

വിനോദ് എം.എൽ.എ

കൊച്ചി : ലത്തീൻ സഭയിലെ യുവജനങ്ങളുടെ സമഗ്രവികസനത്തിനും സമുദായത്തിന്റെയും സമൂഹത്തിന്റെയും വളർച്ചയ്ക്കും വേണ്ടി പോരാടുന്ന കെ.സി.വൈ.എം ലാറ്റിൻ സംസ്ഥാന സമിതിയുടെ 2023 – 24 കർമ്മപദ്ധതി പ്രകാശനവും പ്രവർത്തനവർഷ ഉദ്ഘാടനവും നടത്തപ്പെട്ടു. മരട് സെന്റ് മേരി മഗ്ദലിൻ ദേവാലയത്തിൽ വച്ച് നടന്ന പരിപാടി എറണാകുളം നിയോജക മണ്ഡലം എം.എൽ.എ ശ്രീ. ടി. ജെ. വിനോദ് ഉദ്ഘാടനം നിർവഹിക്കുകയും മണിപ്പൂരിൽ നടന്നു കൊണ്ടിരിക്കുന്ന അതിക്രമങ്ങൾ സമുദായഭേദമെന്യേ എല്ലാവരും ഒറ്റക്കെട്ടായി നിന്ന് കൊണ്ട് ചെറുക്കണമെന്നും അഭിപ്രായപ്പെട്ടു. കെ.സി.വൈ.എം ലാറ്റിൻ സംസ്ഥാന പ്രസിഡന്റ് ശ്രീ.കാസി പൂപ്പന അദ്ധ്യക്ഷത വഹിച്ചു.

മരട് മുനിസിപ്പാലിറ്റി ചെയർമാൻ ശ്രീ. ആൻ്റണി ആശാൻപറമ്പിൽ മുഖ്യാതിഥിയായിരുന്നു. കെ.ആർ.എൽ.സി.സി വൈസ് പ്രസിഡന്റ് ശ്രീ. ജോസഫ് ജൂഡ് 2023-2024 വർഷത്തെ കർമ്മ പദ്ധതി പ്രകാശനം ചെയ്തു.
വരാപ്പുഴ അതിരൂപത വികാരി ജനറൽ റവ. മോൺ. മാത്യു ഇലഞ്ഞിമറ്റം അനുഗ്രഹ പ്രഭാഷണം നൽകുകയും കെ.സി.വൈ.എം ലാറ്റിൻ ഡയറക്ടർ ഫാ. ജിജു ജോർജ്ജ് അറക്കത്തറ ആമുഖപ്രഭാഷണം നടത്തുകയും ചെയ്തു.

കെ.സി.വൈ.എം ലാറ്റിൻ സംസ്ഥാന ജനറൽ സെക്രട്ടറി ശ്രീ. ജോസ് വർക്കി, കെ.എൽ.സി.എ സംസ്ഥാന പ്രസിഡന്റ് അഡ്വ. ഷെറി ജെ. തോമസ്, കെ.സി.വൈ.എം സംസ്ഥാന ജനറൽ സെക്രട്ടറി ശ്രീ. ജോജി ടെന്നിസൺ,സെന്റ്. മേരി മാഗ്ദലിൻ ചർച്ച് വികാരി
റവ. ഫാ. ഷൈജു തോപ്പിൽ, കെ.സി.വൈ.എം വരാപ്പുഴ അതിരൂപത പ്രസിഡന്റ് ശ്രീ. ആഷ്ലിൻ പോൾ, കെ.സി.വൈ.എം ലാറ്റിൻ സെക്രട്ടറി ശ്രീ. മാനുവൽ ആൻ്റണി,
കെ.സി.വൈ.എം മരട് യൂണിറ്റ് പ്രസിഡന്റ് ശ്രീ. അമൽ മാർട്ടിൻ, കെ.സി.വൈ.എം ലാറ്റിൻ വൈസ് പ്രസിഡന്റ് മീഷ്മ ജോസ്, അനു ദാസ്, സോന മൈക്കിൾ, രാജീവ് പാട്രിക് എന്നിവർ സംസാരിച്ചു.

admin

More articles by admin