“ക്രിസ്സ് ബെൽസ് -2022”

“ക്രിസ്സ് ബെൽസ് -2022”

കൊച്ചി : വരാപ്പുഴ അതിരൂപത മതബോധന കമ്മീഷൻ, ഒന്നാം ഫെറോനാ, കത്തീഡ്രൽ മേഖല ക്രിസ്മസ്സ്‌ കരോൾ മത്സരം, “ക്രിസ്സ് ബെൽസ് -2022” വല്ലാർപാടം ബസിലിക്ക പാരിഷ് ഹാളിൽ വെച്ച് 27/11/22 ന് നടത്തുകയുണ്ടായി. അതിരൂപത ചാൻസലർ വെരി റവ. ഫാ. എബിജിൻ അറക്കൽ കരോൾ മത്സരം ഉദ്ഘാടനം ചെയ്തു. അതിരൂപത മതബോധന കമ്മീഷൻ ഡയറക്ടർ റവ. ഫാ. വിൻസെന്റ് നടുവിലപ്പറമ്പിലും, മേഖല ഡയറക്ടർ റവ. ഫാ. വില്യം ചാൾസ് തൈക്കൂട്ടത്തിലും ആശംസകൾ നേർന്നു സംസാരിച്ചു. രണ്ടു മണിക്കൂർ നീണ്ട മത്സരത്തിൽ 14 മതബോധന യൂണിറ്റുകൾ പങ്കെടുത്തു. ഒന്നാം സ്ഥാനം തേവര സെന്റ് ജോസഫ് യൂണിറ്റും രണ്ടാം സ്ഥാനം , വല്ലാർപാടം ഔർ ലേഡി ഓഫ് റാൻസം യൂണിറ്റും ബോൾഗാട്ടി സെന്റ് സെബാസ്റ്റ്യൻ യൂണിറ്റ് മൂന്നാം സ്ഥാനവും കരസ്ഥമാക്കി അതിരൂപത തല ഫൈനൽ മത്സരത്തിന് യോഗ്യത നേടി.
പ്രൊമോട്ടർമാരായ ജോസഫ് ക്ലമന്റ്, രാജേഷ്, സിസ്റ്റർ ആശ്രിത, സിസ്റ്റർ അതുല്യ, മേരി ഹസീന, മേഖല സെക്രട്ടറി ലിസ തോമസ്സ്‌, ട്രഷറർ ലിജേഷ് എന്നിവർ മത്സരത്തിന് മേൽനോട്ടം വഹിച്ചു.