ഭക്തിസാന്ദ്രമായി ദിവ്യകാരുണ്യ തിരുനാൾ
ഭക്തിസാന്ദ്രമായി
ദിവ്യകാരുണ്യ തിരുനാൾ
കൊച്ചി : ബോൾഗാട്ടി സെൻ്റ് സെബാസ്റ്റ്യൻ ദേവാലയത്തിൽ ദിവ്യകാരുണ്യ തിരുനാൾ വർണ്ണ പകിട്ടോടെ ഭക്തി പുരസ്സരം ആഘോഷിച്ചു. കോവിഡ് മൂലം തിരുനാൾ ആഘോഷങ്ങൾക്ക് 2 വർഷം ഇടവേള വന്നതിനാൽ ആ കുറവ് പരിഹരിച്ചു കൊണ്ട് പുതുമയാർന്ന രീതിയിലാണ് ഈ വർഷം തിരുനാൾ പന്തൽ നിർമ്മിച്ചത്. ദിവ്യകാരുണ്യ നാഥനെ എഴുന്നള്ളിക്കുന്നതിനായി ദേവാലയ തിരുമുറ്റത്ത് 200 മീറ്റർ നീളത്തിൽ 5 മീറ്റർ വീതിയിൽ വലിയ പന്തൽ ഒരുക്കുകയുണ്ടായി. വ്യത്യസ്ത നിറങ്ങളിലുള്ള ചെറിയ വർണ്ണക്കുടകൾ, ബലൂണുകൾ എന്നിവ കൊണ്ട് പന്തലിൻ്റെ മുകൾഭാഗം നിറച്ചാർത്താക്കി. പന്തലിന് ഇരുവശവും കരിക്കിൻ കുലകളും വാഴക്കുലകളും ഫലവർഗ്ഗങ്ങളും കൊണ്ട് അലങ്കരിച്ചു. ഹരിതവർണ്ണവും, പീതവർണ്ണവും, രക്തവർണ്ണവും, നീലവർണ്ണവും ശ്വേതവർണ്ണവും നിറഞ്ഞ ആകാശ കാഴ്ചയായിരുന്നു ഏറെ ആകർഷകമായത്. രാവിലെ 7 ന് ഇടവക വികാരി ഫാ.ജോബ് വാഴക്കൂട്ടത്തലിൻ്റെ കാർമ്മികത്വത്തിൽ ദിവ്യബലിയും തുടർന്ന് ദേവാലയത്തിൽ നിന്നും പന്തലിലേക്ക് ദിവ്യകാരുണ്യ പ്രദക്ഷിണവും നടത്തി. തിരുനാൾ ആഘോഷങ്ങൾക്ക് തിരുനാൾ കമ്മിറ്റി ജനറൽ കൺവീനർ ജോസഫ് സിമേന്തി, കേന്ദ്ര സമിതി ലീഡർ സെബാസ്റ്റ്യൻ കുറ്റിശ്ശേരി, സെക്രട്ടറി ജോസഫ് പുന്നക്കേഴത്ത്, അഭിജിത് കെ. ജോൺ എന്നിവർ നേതൃത്വം നൽകി.
Related
Related Articles
കെആര്എല്സിസി ജനറല് അസംബ്ലി സമാപിച്ചു
കെആര്എല്സിസി ജനറല് അസംബ്ലി സമാപിച്ചു. കൊച്ചി : 2024 ജനുവരി 13, 14 തീയതികളില് എറണാകുളം ആശിര്ഭവനില് ചേര്ന്ന കേരള ലത്തീന് കത്തോലിക്ക സഭയുടെ ഉന്നത
വരാപ്പുഴ അതിരൂപതയ്ക്ക് അഭിമാനത്തിന്റെ നിമിഷങ്ങൾ.
വരാപ്പുഴ അതിരൂപതയ്ക്ക് അഭിമാനത്തിന്റെ നിമിഷങ്ങൾ. കൊച്ചി : മെയ് ദിനമായ ഇന്നലെ ( 01.05.22 )വരാപ്പുഴ അതിരൂപത അംഗങ്ങളായ 12 വൈദിക വിദ്യാർത്ഥികൾ പൗരോഹിത്യ വസ്ത്രം സ്വീകരിച്ചു.
ലൂർദ് ആശുപത്രിയിൽ സമഗ്ര അപസ്മാര ചികിത്സാ കേന്ദ്രവും സ്ലീപ് ഡിസോർഡർ പ്രോഗ്രാമും ഉദ്ഘാടനം ചെയ്തു
ലൂർദ് ആശുപത്രിയിൽ സമഗ്ര അപസ്മാര ചികിത്സാ കേന്ദ്രവും സ്ലീപ് ഡിസോർഡർ പ്രോഗ്രാമും ഉദ്ഘാടനം ചെയ്തു. കൊച്ചി: ലൂർദ് ആശുപത്രി ന്യൂറോ സെൻററിന്റെ നേതൃത്വത്തിൽ അപസ്മാര രോഗത്തിനുള്ള സമഗ്രമായ