കുടുംബ വിശുദ്ധീകരണ വർഷം – ദിവ്യകാരുണ്യ കോൺഗ്രസ് സമാപനം നാളെ
കുടുംബ വിശുദ്ധീകരണ വർഷം – ദിവ്യകാരുണ്യ
കോൺഗ്രസ് സമാപനം നാളെ (09.12. 23)
കൊച്ചി : വരാപ്പുഴ അതിരൂപതയിലെ എല്ലാ ഇടവകകളിലും സജീവമായി നടത്തപ്പെട്ട കുടുംബ വിശുദ്ധീകരണ വർഷത്തിന്റെയും ദിവ്യകാരുണ്യ കോൺഗ്രസിന്റെയും സമാപനം നാളെ എറണാകുളം പാപ്പാളി ഹാൾ ,സെന്റ് ഫ്രാൻസിസ് അസീസി കത്തീഡ്രൽ എന്നിവിടങ്ങളിലായി നടക്കും. ഡിസംബർ 10 ഞായർ ഉച്ചകഴിഞ്ഞ് 3 മണിക്ക് അതിരൂപത ജൂബിലി ദമ്പതി സംഗമം പാപ്പാളി ഹാളിൽ അഭിവന്ദ്യ മെത്രാപ്പോലീത്ത ഡോ. ജോസഫ് കളത്തിപ്പറമ്പിൽ ഉദ്ഘാടനം ചെയ്യും. തുടർന്ന് ജൂബിലി ദമ്പതികളെ ആദരിക്കും. ഉച്ചകഴിഞ്ഞ് 3 30ന് എറണാകുളം സെൻറ് ഫ്രാൻസിസ് അസീസി കത്തീഡ്രലിൽ വച്ച് ഫാ. വിബിൻ ചൂതംപറമ്പിൽ നയിക്കുന്ന ദിവ്യകാരുണ്യ പ്രഭാഷണം നടത്തപ്പെടും. തുടർന്ന് വൈകിട്ട് 4. 45 നടക്കുന്ന ദിവ്യകാരുണ്യപ്രദക്ഷിണത്തിന് അതിരൂപത വികാരി ജനറൽ മോൺ. മാത്യു ഇലഞ്ഞിമറ്റം നേതൃത്വം നൽകും . സമാപന ആശിർവാദം ആർച്ച് ബിഷപ്പ് ഡോ. ജോസഫ് കളത്തിപ്പറമ്പിൽ നൽകും . തുടർന്ന് വൈകിട്ട് 5 30ന് ആഘോഷമായ പൊന്തിഫിക്കൽ ദിവ്യബലിയിൽ വരാപ്പുഴ അതിരൂപതയിലെ എല്ലാ വൈദികരും പങ്കാളികളാകും .ആർച്ച് ബിഷപ്പ് ഡോ. ജോസഫ് കളത്തിപറമ്പിൽ മുഖ്യ കാർമികൻ ആയിരിക്കും.അതിരൂപത പ്രകുറേറ്റർ ഫാ.മാത്യു സോജൻ മാളിയേക്കൽ വചനപ്രഘോഷണം നടത്തും. തുടർന്ന് അതിരൂപതയിലെ എട്ട് ഫൊറോനകളിൽ നിന്നുള്ള ഏറ്റവും മികച്ച ബിസിസി യൂണിറ്റുകൾക്കുള്ള സമ്മാനദാനം ആർച്ച് ബിഷപ്പ് നിർവഹിക്കും. തുടർന്ന് 2024 യുവജന വർഷ ഉദ്ഘാടന കർമ്മവും ആർച്ച് ബിഷപ്പ് നിർവഹിക്കും.
Related Articles
സിസ്റ്റർ. സെലി തൈപ്പറമ്പിൽ SMI ക്ക് സമൂഹ നന്മയുടെ ജേതാവിനുള്ള ഇന്റർനാഷണൽ അവാർഡ് നൽകി ആദരിക്കുന്നു.
സിസ്റ്റർ. സെലി തൈപ്പറമ്പിൽ SMI ക്ക് സമൂഹ നന്മയുടെ ജേതാവിനുള്ള ഇന്റർനാഷണൽ അവാർഡ് നൽകി ആദരിക്കുന്നു. കൊച്ചി : നീണ്ട 12 വർഷം മനുഷ്യ കടത്തിനെതിരെ
സ്കൂളുകളിൽ നിന്നും മൊബൈൽ ഫോൺ പുറത്ത്
തിരുവനന്തപുരം: സംസ്ഥാനത്തെ സ്കൂളുകളിൽ മൊബൈൽ ഫോണിന്റെ ഉപയോഗം പൂർണമായും നിരോധിച്ചു കൊണ്ട് സർക്കാർ ഉത്തരവ് പുറപ്പെടുവിച്ചു. വിദ്യാർത്ഥികൾ സ്കൂളിൽ മൊബൈൽ ഫോൺ ഉപയോഗിക്കുന്നത് നിരോധിച്ചുകൊണ്ട് പൊതുവിദ്യാഭ്യാസ വകുപ്പ്
പ്രാർത്ഥന ആശംസകൾ
പ്രാർത്ഥന ആശംസകൾ വരാപ്പുഴ അതിരൂപത മെത്രാപ്പോലീത്തയുടെ സെക്രട്ടറിയും അതിരൂപത കോടതിയുടെ ഡിഫൻഡർ ഓഫ് ബോണ്ടും ആയി റവ. ഫാ. സ്മിജോ ജോർജ് കളത്തിപ്പറമ്പിൽ ചാർജ് എടുത്തു. ചേന്നൂർ