February 6, 2008-സ്ഥലം മൂലമ്പിള്ളി|

February 6, 2008-സ്ഥലം

മൂലമ്പിള്ളി|

 

കൊച്ചി : 2008 ഫെബ്രുവരി 6 ന് കോടതിവരാന്തയിൽ നിൽക്കവേ, മൂലമ്പിള്ളിയിൽ വീണ്ടും വീടു പൊളിക്കുന്നതിന് സന്നാഹം എന്ന് അറിവ് കിട്ടിയതനുസരിച്ച് അവിടെയെത്തി. അന്ന് എന്തുവന്നാലും അധികൃതർ പൊളിക്കൽ ആരംഭിക്കും എന്ന് മനസ്സിലായി. ഭാഷയറിയാത്ത ഹിന്ദിക്കാരായ തൊഴിലാളികൾ അടച്ചിട്ട വീടിനകത്തുള്ള, പ്രായമായവരുൾപ്പെടെയുള്ള സ്ത്രീകളുടെ രോദനം ഒന്നും കാര്യമാക്കാതെ വലിയ കൂടം ഉപയോഗിച്ച് വീടിൻറെ ഭിത്തികൾ അടിച്ചുപൊളിക്കാൻ തുടങ്ങി. എതിർത്ത ഞങ്ങൾ ഉൾപ്പെടെയുള്ളവരെ പോലീസിനെ ഉപയോഗിച്ച് മാറ്റി.

വാർത്തകൾ റിപ്പോർട്ട് ചെയ്തു തുടങ്ങി. അവിടെ നിൽക്കുമ്പോൾ വരാപ്പുഴ അതിരൂപത മെത്രാപ്പോലീത്ത ഡാനിയൽ അച്ചാരുപറമ്പിലിൻറെ നിർദ്ദേശാനുസരണം ബിഷപ് ജോസഫ് കാരിക്കശേരിയുടെ ഫോൺ കോൾ. “അവരുടെ കൂടെ ഉണ്ടാകണം”. ഞങ്ങളവിടെ തുടർന്നു. സഹപ്രവർത്തകരായ ഫ്രാൻസിസ് ഷെൻസൻ, ഐ എം ആൻറണി, ബിജു പുതുശ്ശേരി, ജേക്കബ് കയ്പ്പശ്ശേരി, ജോൺ റാൾഫ്, ഗോഡ്സൺ പൂവങ്കേരി, സിബി ജോയ്.. അങ്ങനെ നിരവധി പേർ ഒപ്പമുണ്ടായിരുന്നു.

DLPC, Package അങ്ങനെ പല പേരുകളുമായി വലിയ വാഗ്ദാനങ്ങൾ. പകരം ഭൂമി, അതുവരെ വാടക, ജോലി അങ്ങനെ തുടരുന്നു പാക്കേജ് വാഗ്ദാനങ്ങൾ. സമരസമിതിയുമായി സഹകരിച്ച് പ്രവർത്തിച്ചുവരവെ മൂലമ്പിള്ളിയിൽ സമരം നടത്തുന്നത് തീവ്രവാദികളെന്ന് ആരോപണം. ആരാണ് തീവ്രവാദികൾ എന്ന് കാണിക്കാൻ വരാപ്പുഴ അതിരൂപത മെത്രാസന മണ്ഡലത്തിൽ തന്നെ യോഗം വിളിച്ചു. ഇതിനു വേണ്ടി പ്രത്യേക ജാഗ്രതാ സമിതി രൂപീകരിച്ചു.

19/03/2008 ന് മൂലമ്പിള്ളി പാക്കേജ് ഉത്തരവിറങ്ങി. 4 മുതൽ 6 സെൻറ് വരെയുള്ള എല്ലാ സൗകര്യങ്ങളോടും കൂടിയ പ്ലോട്ട്, 5000 രൂപ വാടക, പുതിയ കണ്ടെയ്നർ ടെർമിനലിൽ കുടുംബത്തിൽ ഒരാൾക്കെങ്കിലും ജോലി. ഇന്നുവരെ ഒരാൾക്കുപോലും ജോലി നൽകിയില്ല. വാസയോഗ്യമായ പ്ലോട്ടുകൾ നൽകാത്തതിന്റെ പേരിൽ വാടക സംബന്ധിച്ച് ക്ലെയിമുകൾ, ഇനിയും കിട്ടാനുണ്ട്, അത് പലരും ഉപേക്ഷിച്ചു.

316 വീട്ടുകാരെയാണ് ഒഴിപ്പിച്ചത്. ഇന്ന് 52 ഓളം വീട്ടുകാർ സ്വന്തമായി പണം കണ്ടെത്തി വായ്പയെടുത്ത് സർക്കാർ നൽകിയ പ്ലോട്ടുകളിൽ വീടുവെച്ചു താമസിക്കുന്നു. Moolampilly (5/13), Kothad (5/18), Mulavukad- police station (0/15), Cheranaloor Thykave (4/6), Thuthiyoor – Karunakara Pillai road Kakkanad (2/54), Thuthiyoor Indira Nagar Nagar Kakkanad (2/104), Vaduthala (34/106). ബ്രാക്കറ്റ് ആദ്യ ഭാഗത്ത് വീട് വച്ചവരും, രണ്ടാം ഭാഗത്ത് സ്ഥലം ലഭിച്ചവരുടെയും കണക്കാണ്.


Related Articles

ക്രിയേറ്റീവ് കരിപൂശലുകൾക്ക് മറുപടി

      കൊച്ചി :   കുറച്ച് ദിവസങ്ങളായി ചിലർ സമൂഹമാധ്യമങ്ങളിൽ ഉത്സാഹത്തോടെ കർമ്മനിരതമായി കത്തോലിക്കാ സഭയ്ക്കെതിരെ ചീത്തവിളിയുടെ ലുത്തീനിയ പാടുന്നത് കണ്ടു. ഇതു വെറും ലോക്ക്ഡൗൺ

ലോക കടുവാ ദിനത്തിൽ പ്രമുഖ പത്രത്തിൽ പ്രസിദ്ധീകരിച്ച ഷൈജു കേളന്തറയുടെ വൈൽഡ് ലൈഫ് ഫോട്ടോ:

ലോക കടുവാ ദിനത്തിൽ പ്രമുഖ പത്രത്തിൽ പ്രസിദ്ധീകരിച്ച ഷൈജു കേളന്തറയുടെ വൈൽഡ് ലൈഫ് ഫോട്ടോ:   കൊച്ചി : ലോക കടുവാ ദിനമായ ഇന്നലെ മലയാള മനോരമ

തുല്യത പരീക്ഷയിലൂടെ പത്താംതരം പരീക്ഷയിൽ ഉന്നത വിജയം നേടി പാനായിക്കുളം ഇടവക

തുല്യത പരീക്ഷയിലൂടെ പത്താംതരം പരീക്ഷയിൽ ഉന്നത വിജയം നേടി പാനായിക്കുളം ഇടവക   കൊച്ചി : ഔപചാരിക വിദ്യാഭ്യാസം നേടാൻ അവസരം ലഭിക്കാത്തവർക്കും സാമൂഹിക സാമ്പത്തിക കാരണങ്ങളാൽ

No comments

Write a comment
No Comments Yet! You can be first to comment this post!

Write a Comment

<