ആശയ വിനിമയം കുടുംബ ബന്ധങ്ങൾക്ക് അനിവാര്യം ആർച്ച് ബിഷപ്പ് ഡോ. ജോസഫ് കളത്തിപ്പറമ്പിൽ
ആശയ വിനിമയം
കുടുംബ
ബന്ധങ്ങൾക്ക്
അനിവാര്യം
ആർച്ച് ബിഷപ്പ് ഡോ.
ജോസഫ് കളത്തിപ്പറമ്പിൽ
കൊച്ചി : ഉത്തമമായ കുടുംബ ജീവിതത്തിന് ദമ്പതികൾ തമ്മിലുള്ള ആശയ വിനിമയം അനിവാര്യമാണെന്ന് വരാപ്പുഴ അതിരൂപത ആർച്ച് ബിഷപ്പ് ഡോ. ജോസഫ് കളത്തിപ്പറമ്പിൽ അഭിപ്രായപ്പെട്ടു. ആധുനിക കുടുംബ ജീവിതത്തിൽ ദമ്പതികൾ തമ്മിലുള്ള വ്യക്തിപരമായ ആശയ വിനിമയം കുറഞ്ഞു വരുന്നതായും കുടുംബ ജീവിതത്തിൽ അങ്ങേ അറ്റത്തെ വ്യക്തി കേന്ദ്രീകൃതവാദം വർദ്ധിച്ചു കൊണ്ടിരിക്കുന്നതായും അദ്ദേഹം സൂചിപ്പിച്ചു. ഇത് കുടുംബ ബന്ധങ്ങളിൽ വ്യാപകമായ അനിശ്ചിതത്വവും സംശയവും വളർത്തുന്നു. എറണാകുളം പാപ്പാളിഹാളിൽ നടന്ന വരാപ്പുഴ അതിരൂപത ജൂബിലി ദമ്പതി സംഗമം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
ദമ്പതികൾ വിവാഹഉടമ്പടി നവീകരിക്കുകയും ആർച്ച് ബിഷപ്പും, ചാൻസിലർ ഫാ. എബിജിൻ അറയ്ക്കലും ഉപഹാരം നൽകി അവരെ ആദരിക്കുകയും ചെയ്തു. ഫാ. ജേക്കബ് മഞ്ഞളി ദമ്പതികൾക്ക് ക്ലാസ് നയിച്ചു. വരാപ്പുഴ അതിരൂപത ഫാമിലി കമ്മീഷൻ ഡയറക്ടർ ഫാ.പോൾസൺ സിമേന്തി അദ്ധ്യക്ഷത വഹിച്ചു. ബി.സി.സി ഡയറക്ടർ ഫാ. ആന്റണി അറക്കൽ, ഫാമിലി കമ്മീഷൻ സെക്രട്ടറി ശ്രീ. ജോൺസൺ പള്ളത്തുശ്ശേരി, കൺവീനർ ശ്രീ. റോയ് പാളയത്തിൽ, സിസ്റ്റർ ജോസഫിൻ എന്നിവർ പ്രസംഗിച്ചു
കോവിഡ് പ്രോട്ടോകോൾ പ്രകാരം ഈ വർഷം 3 ഘട്ടങ്ങളായാണ് ദമ്പതി സംഗമം സംഘടിപ്പിച്ചിരിക്കുന്നത്. 2 ഉം 3 ഉം ഘട്ടങ്ങൾ 19-ാം തീയതി ഞായറാഴ്ച രാവിലെയും ഉച്ചയ്ക്കും ആയി കച്ചേരിപ്പടി ആശീർഭവൻ ഓഡിറ്റോറിയത്തിൽ വച്ച് നടത്തപ്പെടുന്നതാണ്.
Related
Related Articles
വരാപ്പുഴ അതിരൂപത മകൻ ബോളിവുഡിൽ
വരാപ്പുഴ അതിരൂപത മകൻ ബോളിവുഡിൽ കൊച്ചി : വരാപ്പുഴ അതിരൂപത അംഗം മരട് സെൻറ് തോമസ് തോമസ്പുരം പള്ളി ഇടവകാംഗം മാർട്ടി . ആണ് ബോളിവുഡ്
ബിഷപ്പ് ജോസഫ് ജി ഫെർണാണ്ടസ് സാധാരണക്കാരന്റെ മണമുള്ള നല്ല ഇടയൻ – ആർച്ച് ബിഷപ്പ് ഡോ.ജോസഫ് കളത്തിപ്പറമ്പിൽ.
ബിഷപ്പ് ജോസഫ് .ജി. ഫെർണാണ്ടസ് സാധാരണക്കാരന്റെ മണമുള്ള നല്ല ഇടയൻ – ആർച്ച് ബിഷപ്പ് ഡോ.ജോസഫ് കളത്തിപ്പറമ്പിൽ. കൊച്ചി : കാലം ചെയ്ത കൊല്ലം
കൃതജ്ഞതയോടെ ഫ്രാൻസീസ് സൈമൺ വല്ലാർപാടത്തമ്മയുടെസന്നിധിയിൽ
കൃതജ്ഞതയോടെ ഫ്രാൻസീസ് സൈമൺ വല്ലാർപാടത്തമ്മയുടെസന്നിധിയിൽ വല്ലാർപാടം : ടൗട്ടേ ചുഴലിക്കാറ്റിൽപെട്ട് ബോംബേയ്ക്കടുത്ത് കടലിൽ മുങ്ങിയ വരപ്രദ എന്ന കപ്പലിൽ നിന്ന് രക്ഷപ്പെട്ട് നാട്ടിലെത്തിയ ഫ്രാൻസീസ് സൈമൺ