മണിപ്പൂരിനു വേണ്ടി പ്രാർത്ഥനാ ദിനം ആചരിച്ചു
മണിപ്പൂരിനു വേണ്ടി പ്രാർത്ഥനാ
ദിനം ആചരിച്ചു
കൊച്ചി : ചിറയം സെന്റ് ആന്റണീസ് പള്ളിയിലെ മതബോധന വിദ്യാർത്ഥികളുടെ നേതൃത്വത്തിൽ കലാപത്തിന്റെ കനലുകൾ കെടാത്ത മണിപ്പൂരിനു വേണ്ടി പ്രാർത്ഥനാ ദിനം ആചരിച്ചു. ജൂലൈ 2 ഞായറാഴ്ച്ച വൈകീട്ട് 7 മണിക്ക് നടന്ന ദിവ്യകാരുണ്യ ആരാധനയ്ക്കു ശേഷം പള്ളിമുറ്റത്ത് ഒരുമിച്ച് കൂടിയ കുട്ടികളെയും ഇടവകാംഗങ്ങളെയും വരാപ്പുഴ അതിരൂപതാ മതബോധന വിഭാഗം പ്രൊമോട്ടറും KLCA അതിരൂപതാ ഭാരവാഹിയുമായ ശ്രീ. സിബി ജോയ് അഭിസംബോധന ചെയ്ത് സംസാരിച്ചു. കലാപത്തിന്റെ ഭീകരത വെളിവാക്കുന്ന ദൃശ്യങ്ങൾ ഉൾപ്പെടുത്തിയ കുട്ടികൾ തന്നെ തയ്യാറാക്കിയ പോസ്റ്ററുകളുമായാണ് കുട്ടികൾ ഈ പ്രതിഷേധ ജ്വാലയിൽ പങ്കെടുത്തത്. മണിപ്പൂരിൽ സമാധാനം ഉണ്ടാകുന്നതിനായി പ്രാർത്ഥിക്കുന്നതിനോടൊപ്പം അധികാരി വർഗ്ഗത്തിന്റെ നിസ്സംഗതയ്ക്ക് എതിരെ പ്രതിഷേധം അറിയിക്കാനും കുട്ടികൾ മറന്നില്ല. പ്രാർത്ഥനാ ദിനത്തിലെ പരിപാടികൾക്ക് ചിറയം പള്ളി പ്രീസ്റ്റ് ഇൻ ചാർജ് ഫാ. ജോബിൻ പാനികുളം, മതബോധനവിഭാഗം പ്രധാന അദ്ധ്യാപിക ശ്രീമതി സിജി ബിജു, കുടുംബയൂണിറ്റ് ഭാരവാഹികൾ എന്നിവർ നേതൃത്വം നൽകി.
Related Articles
നവദർശൻ ലോക്ക്ഡൗൺ ക്വിസ് മത്സരത്തിൽ ആയിരത്തോളം കുട്ടികൾ !*
നവദർശൻ ലോക്ക്ഡൗൺ ക്വിസ് മത്സരത്തിൽ ആയിരത്തോളം കുട്ടികൾ ! കൊച്ചി : വരാപ്പുഴ അതിരൂപത നവദർശന്റെ നേതൃത്വത്തിൽ ലോക്ക്ഡൗൺ കാലയളവിൽ കുട്ടികളുടെ സമയം ക്രിയാത്മകമാക്കുവാൻ
ഗാർഹിക തൊഴിലാളി ദിനചാരണം സംഘടിപ്പിച്ചു.
ഗാർഹിക തൊഴിലാളി ദിനാചാരണം സംഘടിപ്പിച്ചു. എറണാകുളം : എറണാകുളം ജില്ലയിലെ ഗാർഹിക തൊഴിലാളികളുടെ സംഘാടനവും ശാക്തീകരണവും ലക്ഷ്യമാക്കി വരാപ്പുഴ അതിരുപതാ എറണാകുളം സോഷ്യൽ സർവീസ് സൊസൈറ്റിയും
നേവ മറിയം വിൻസണിന് ഇന്ത്യ ബുക്ക് ഓഫ് റെക്കോർഡ്സ് അവാർഡ്
നേവ മറിയം വിൻസണിന് ഇന്ത്യ ബുക്ക് ഓഫ് റെക്കോർഡ്സ് അവാർഡ് കൊച്ചി : പുതുവൈപ്പ് സെൻറ്. സെബാസ്റ്റ്യൻ ഇടവകാംഗമായ പുന്നത്തറ വിനു ജോസഫിന്റെയും ആനി പെരേരയുടെയും