വത്തിക്കാനിലെ വിശുദ്ധവാര തിരുക്കർമ്മങ്ങൾ…..
വത്തിക്കാനിലെ വിശുദ്ധവാര തിരുക്കർമ്മങ്ങൾ
ജനരഹിതമായ ‘ഓൺ-ലൈൻ’ തിരുക്കർമ്മാചരണം
കോവിഡ്-19 മഹാമാരിയുടെ വർദ്ധിച്ച വ്യാപനവും ഇറ്റലി ദേശീയ തലത്തിൽ പ്രഖ്യാപിച്ച അടച്ചുപൂട്ടലും (Lock-down) കണക്കിലെടുത്താണ് പാപ്പാ ഫ്രാൻസിസ് ജനരഹിതമായി അർപ്പിക്കുന്നത്. എന്നാൽ മാധ്യമങ്ങളിലൂടെ ജനങ്ങൾക്കുവേണ്ടി തിരുക്കർമ്മങ്ങൾ തത്സമയം ലഭ്യമാക്കുമെന്നും വത്തിക്കാന്റെ പ്രസ്സ് ഓഫിസ് മാർച്ച് 23-ന് ഇറക്കിയ പ്രസ്താവനയിലൂടെ അറിയിച്ചു.
ഓശാന ഞായർ മുതൽ ഈസ്റ്റർ പ്രഭാതംവരെ
സാധാരണ ഗതിയിൽ ഓശാനഞായർ മുതൽ ഈസ്റ്റർ പ്രഭാതപൂജവരെ നിറഞ്ഞുകവിയുന്ന വത്തിക്കാന്റെ ചത്വരവും തിരുക്കർമ്മവേദികളും, ലോകത്ത് എവിടെയും പോലെ മഹാമാരിമൂലം ജനരഹിതമായിരിക്കും. എന്നാൽ പ്രാതിനിധ്യ സ്വഭാവമുള്ള എണ്ണപ്പെട്ട ചെറിയ കൂട്ടായ്മയുടെ സാന്നിദ്ധ്യത്തിലായിരിക്കും പാപ്പായുടെ പരിപാടികൾ നടത്തപ്പെടുന്നത്.
വിശുദ്ധവാര പരിപാടികൾ വത്തിക്കാൻ മാധ്യമങ്ങൾ തത്സമയം ജനങ്ങൾക്കു ലഭ്യമാക്കും.
a) ഓശാന ഞായർ തിരുക്കർമ്മങ്ങളും ദിവ്യബലിയും
വിശുദ്ധ പത്രോസിന്റെ ബസിലിക്കയിൽ
മാർച്ച് 28 പ്രാദേശികസമയം രാവിലെ 10.30-ന്
ഇന്ത്യയിലെ സമയം ഉച്ചതിരിഞ്ഞ് 2 മണിക്ക്
പാപ്പാ ഫ്രാൻസിസിന്റെ മുഖ്യകാർമ്മികത്വത്തിൽ നടത്തപ്പെടും.
b) പെസഹാവ്യാഴം തൈലാഭിഷേകപൂജ
ഏപ്രിൽ 1 പ്രാദേശിക സമയം രാവിലെ 10 മണിക്ക്,
ഇന്ത്യയിൽ ഉച്ചതിരിഞ്ഞ് 1.30-ന് പാപ്പായുടെ മുഖ്യകാർമ്മികത്വത്തിൽ.
c) പെസഹാവ്യാഴം തിരുവത്താഴപൂജ
വൈകുന്നേരം പ്രാദേശിക സമയം 6-ന്,
ഇന്ത്യയിലെ സമയം രാത്രി9.30-ന്.
കർദ്ദിനാൾ സംഘത്തലവൻ, ബത്തീസ്ത റേ മുഖ്യകാർമ്മികനായിരിക്കും.
d) ദുഃഖവെള്ളിയാഴ്ച
പ്രാദേശിക സമയം വൈകുന്നേരം 6 മണിക്ക്, ഇന്ത്യയിൽ രാത്രി 9.30-ന്
കുരിശാരാധന, പീഢാനുഭവ പാരായണം, ദിവ്യകാരുണ്യസ്വീകരണം
എന്നിവ പാപ്പാ ഫ്രാൻസിസിന്റെ മുഖ്യകാർമ്മികത്വത്തിൽ നടത്തപ്പെടും.
e) കുരിശിന്റെവഴി
പ്രാദേശിക സമയം രാത്രി 9 മണിക്ക്,
ഇന്ത്യയിൽ ശനിയാഴ്ച വെളുപ്പിന് 12.30-ന് വിശുദ്ധ പത്രോസിന്റെ ചത്വരത്തിൽ.
പ്രാർത്ഥനകൾ ഒരുക്കിയത് ഉംബ്രിയ പ്രവിശ്യയിലെ സ്കൗട്സ് & ഗൈഡ്സും ഉഗണ്ടായിലെ രക്തസാക്ഷികളുടെ ഇടവകാംഗങ്ങളും, ദൈവസ്നേഹത്തിന്റെ അമ്മയുടെ നാമത്തിലുളള റോമാ രൂപതയിലെ ഇടവകയും ചേർന്നാണ്. റോമിലെ കുട്ടികളും യുവജനങ്ങളും ചേർന്ന് ഒരുക്കിയ ചിത്രങ്ങളാണ് കുരിശിന്റെവഴിയുടെ ഓരോ സ്ഥലങ്ങളും നിജപ്പെടുത്തുവാൻ പോകുന്നത്.
f) വലിയ ശനിയാഴ്ച, പെസഹാരാത്രി
പ്രാദേശിക സമയം രാത്രി 7.30-ന് ഇന്ത്യയിൽ രാത്രി 11 മണിക്ക്
പാപ്പാ ഫ്രാൻസിസ് മുഖ്യകാർമ്മികത്വം വഹിക്കുന്ന പെസഹാ ജാഗരാനുഷ്ഠാനവും ദിവ്യപൂജയും.
തിരുക്കർമ്മങ്ങൾ വിശുദ്ധ പത്രോസിന്റെ ബസിലിക്കയിലെ ഭദ്രാസനത്തിന്റെ അൾത്താരയിലായിരിക്കും.
g) ഈസ്റ്റർ ഞായറാഴ്ച
ഏപ്രിൽ 4, പ്രാദേശിക സമയം രാവിലെ 10 മണിക്ക്
ഇന്ത്യയിലെ സമയം ഉച്ചതിരിഞ്ഞ് 1.30-ന്
പാപ്പായുടെ മുഖ്യകാർമ്മകത്വത്തിൽ ദിവ്യബലി
വിശുദ്ധ പത്രോസിന്റെ ബസിലിക്കയിൽ.
i) “ഊർബി എത് ഓർബി” സന്ദേശം
മദ്ധ്യാഹ്നം 12 മണിക്ക് പാപ്പാ നല്കുന്ന “ഊർബി ഏത് ഓർബി,”
നഗരത്തിനും ലോകത്തിനും എന്ന സന്ദേശം.
ഇന്ത്യയിൽ വൈകുന്നേരം 3.30-ന്.
Related
Related Articles
മുത്തശ്ശീമുത്തശ്ശന്മാർക്കും വയോധികർക്കുമായുള്ള ലോകദിന ദിവ്യബലി!
മുത്തശ്ശീമുത്തശ്ശന്മാർക്കും വയോധികർക്കുമായുള്ള ലോകദിന ദിവ്യബലി! വത്തിക്കാൻ : വിശുദ്ധ പത്രോസിൻറെ ബസിലിക്കയിൽ ഞായറാഴ്ച (25/07/21) രാവിലെ മുത്തശ്ശീമുത്തശ്ശന്മാർക്കും പ്രായാധിക്യത്തിലെത്തിയവർക്കും വേണ്ടി ലോകദിനാചരണത്തോടനുബന്ധിച്ച് വിശുദ്ധ കുർബ്ബാന അർപ്പിച്ചു. ഇരുപത്തിയഞ്ചാം
ഇന്ന് പാപ്പ എമിരറ്റസ് ബെനഡിക്ട് പതിനാറാമന്റെ 93- )o ജന്മദിനം.
വത്തിക്കാൻ : ജനനം: 16ഏപ്രിൽ 1927 ജർമനിയിലെ ബയേൺ സംസ്ഥാനത്തിലെ ഇൻ നദിക്ക് സമീപമുള്ള മാർക്ട്ടൽ എന്ന സ്ഥലത്ത്. ജോസഫ് രാറ്റ്സിംഗർ എന്നാണ് യദാർത്ഥ നാമം. മാതാപിതാക്കൾ:
പാപ്പാ: ദൈവത്തെ തെളിയിക്കുക എന്നതിനേക്കാൾ ഘോഷിക്കുക
പാപ്പാ: ദൈവത്തെ തെളിയിക്കുക എന്നതിനേക്കാൾ ഘോഷിക്കുക വത്തിക്കാന് : ഫ്രാൻസിസ് പാപ്പയുടെ ട്വിറ്റർ സന്ദേശം. “സാക്ഷികൾ വാക്കുകളിൽ സ്വയം നഷ്ടപ്പെടുന്നില്ല; മറിച്ച് അവർ ഫലം