വർണ്ണാഭം… നയന മനോഹരം വല്ലാർപാടം ബസിലിക്ക
വർണ്ണാഭം… നയന മനോഹരം…
വല്ലാർപാടം ബസിലിക്ക
കൊച്ചി: കോവിഡ് പ്രതിസന്ധിയുടെ രണ്ടു വർഷത്തെ ഇടവേളയ്ക്ക് ശേഷം ഇക്കുറി പരിശുദ്ധ വല്ലാർപാടത്തമ്മയുടെ തിരുനാളാഘോഷങ്ങൾക്കായി വർണ്ണദീപങ്ങളാൽ കുളിച്ചു നില്ക്കുകയാണ് വല്ലാർപാടം ബസിലിക്ക. ഡിജിറ്റൽ സാങ്കേതിക വിദ്യ ഉപയോഗിച്ച് LED ദീപങ്ങളാൽ തീർത്ത്, മരിയൻ ഗോപുരങ്ങളോട് ചേർത്ത് സ്ഥാപിച്ചിരിക്കുന്ന കൂറ്റൻ എൽ ഇ ഡി പിക്സൽ സ്ക്രീനുകളിൽ, കണ്ണഞ്ചിപ്പിക്കുന്ന വർണ്ണ വിസ്മയങ്ങളാണ് മിന്നിമറയുന്നത്. ദേവാലയത്തിന്റെ ചുവരുകൾക്ക് കേടുപാടുകൾ വരാതിരിക്കാൻ ഇരു ഗോപുരങ്ങളോടും ചേർത്ത് കെട്ടിപ്പൊക്കിയ 125 അടി വീതം ഉയരമുള്ള സ്ക്കഫ് ഫോൾഡിംഗ് ചട്ടക്കൂടിൻ മേലാണ് എൽ ഇ ഡി പിക്സൽ സ്ക്രീനുകൾ ഉറപ്പിച്ചിരിക്കുന്നത്. 24 ജോലിക്കാർ 45 ദിവസം തുടർച്ചയായി ജോലി ചെയ്താണ് ഈ വർണ്ണ വിസ്മയം ഒരുക്കിയത്. രണ്ടു ലക്ഷത്തി എഴുപത്തി അയ്യായിരം എൽ ഇ ടി ബൾബുകൾ ഇതിനായി ഉപയോഗിച്ചിരിക്കുന്നു. കൊച്ചി, കടവന്ത്ര സ്വദേശിയും വലിയ മരിയഭക്തനുമായ കണ്ണൻ കാട്ടുംപുറമാണ് ഈ വിസ്മയ കാഴ്ച്ച രൂപകല്പ്പന ചെയ്തത്. ദിനംപ്രതിയെന്നോണം ആയിരങ്ങളാണ് തിരുക്കർമ്മങ്ങളിൽ പങ്കെടുക്കുന്നതിനൊപ്പം, ഈ വിസ്മയക്കാഴ്ച്ച കാണുവാനും വേണ്ടി വല്ലാർപാടം ബസിലിക്കയിൽ എത്തിക്കൊണ്ടിരിക്കുന്നത്. പരിശുദ്ധ വല്ലാർപാടത്തമ്മ തന്റെ ജീവിതത്തിൽ നല്കിയ അനുഗ്രഹങ്ങൾക്ക് കതജ്ഞത അർപ്പിക്കുക എന്നതാണ് അത്യന്തം സാഹസികമായ ഈ സംരഭത്തിന് പ്രചോദനമായതെന്ന് കടവന്ത്ര കാട്ടുംപുറം ലൈറ്റ് ആൻറ് സൗണ്ട് സ്ഥാപനത്തിന്റെ ഉടമയായ കണ്ണൻ (ഷാൻ) പറഞ്ഞു. സെപ്റ്റംബർ 15ന് വല്ലാർപാടം ബസിലിക്കയുടെ സഹവികാരി ഫാ. നിജിൻ ജോസഫ് കാട്ടിപ്പറമ്പിൽ ദീപാലങ്കാരങ്ങളുടെ സ്വിച്ച് ഓൺ കർമ്മം നിർവ്വഹിച്ചു. പള്ളിപ്പറമ്പിൽ സെബാസ്റ്റിൻ ഗൊൺസാൽവസ് ആണ് ഈ വർഷത്തെ തിരുനാൾ പ്രസുദേന്തി.
Related
Related Articles
Woman Icon award ന് ഇരുമ്പനം നിർമലാംബിക ഇടവകാംഗമായ ശ്രീമതി ലൈസ റോയി പുള്ളോശ്ശേരി അർഹയായി
Woman Icon award ന് ഇരുമ്പനം നിർമലാംബിക ഇടവകാംഗമായ ശ്രീമതി ലൈസ റോയി പുള്ളോശ്ശേരി അർഹയായി. കൊച്ചി : അന്താരാഷ്ട്ര വനിതാദിനാഘോഷങ്ങളുടെ ഭാഗമായി കെ.സി.ബി.സിയുടെ കീഴിൽ
വഴിയോര യാത്രക്കാര്ക്കായി തണ്ണീര് പന്തലുകള് രൂപീകരിക്കുക – ആര്ച്ച് ബിഷപ്പ് ജോസഫ് കളത്തിപറമ്പില്
വഴിയോര യാത്രക്കാര്ക്കായി തണ്ണീര് പന്തലുകള് രൂപീകരിക്കുക – ആര്ച്ച് ബിഷപ്പ് ജോസഫ് കളത്തിപറമ്പില് കൊച്ചി : അമിതമായ ചൂടുള്ള ഈ കാലാവസ്ഥയില് നമ്മുടെ ഓരോ ദൈവാലയത്തിന്റെയും
കെഎൽസിഎ സുവർണ ജൂബിലി – വരാപ്പുഴ അതിരൂപത നേതൃസംഗമം നടത്തി
കെഎൽസിഎ സുവർണ ജൂബിലി – വരാപ്പുഴ അതിരൂപത നേതൃസംഗമം നടത്തി കൊച്ചി: കെഎൽസിഎ സംസ്ഥാനസമിതിയുടെ സുവർണ ജൂബിലി ആഘോഷങ്ങളുടെ ഭാഗമായി വരാപ്പുഴ അതിരൂപതാ സമിതിയുടെ നേതൃത്വത്തിൽ