കെ എൽ സി എ ഗ്ലോബൽ ഫോറം – ദുബായിൽ യോഗം ചേർന്നു.
കെ എൽ സി എ ഗ്ലോബൽ ഫോറം – ദുബായിൽ യോഗം
ചേർന്നു.
ദുബായ് : കേരള ലാറ്റിൻ കാത്തലിക് അസോസിയേഷൻ (കെഎൽസിഎ) സംസ്ഥാന ഭാരവാഹികൾ ദുബായിലെ ലത്തീൻ കത്തോലിക്കാ സമൂഹവുമായി കൂടിക്കാഴ്ച നടത്തി. ആഗോളതല പ്രവർത്തനങ്ങളുടെ ഭാഗമായി കെഎൽസിഎ ഗ്ലോബൽ ഫോറം പ്രവർത്തനങ്ങളുമായി സഹകരിക്കാൻ കേരള ലാറ്റിൻ കമ്മ്യൂണിറ്റി ദുബായ് (കെആർഎൽസിസി ദുബായ്) ഭാരവാഹികളുടെ യോഗത്തിൽ ധാരണയായി. വിവിധ രാജ്യങ്ങളിൽ നിന്ന് പ്രവാസി സമുദായ പ്രതിനിധികളും, പ്രവാസികൾ പ്രവർത്തിക്കുന്ന സമുദായ സംഘടനകളുടെ നേതാക്കളും പങ്കെടുക്കുന്ന ഗ്ലോബൽ ഫോറത്തിന്റെ യോഗം ഡിസംബർ മാസം ചേരും.
ലോകത്തെമ്പാടുമുള്ള പ്രവാസികളായ ലത്തീൻ കത്തോലിക്കരെ സമുദായ പ്രവർത്തനങ്ങളിൽ കൂടുതൽ സഹകരിപ്പിക്കുന്നതിന് വേണ്ടിയാണ് വിവിധ രാജ്യങ്ങളിൽ കെ എൽ സി എ ഗ്ലോബൽ ഫോറം പ്രവർത്തനമാരംഭിക്കുന്നത്.
ദുബായിൽ ചേർന്ന യോഗത്തിൽ സംസ്ഥാന പ്രസിഡൻറ് അഡ്വ ഷെറി ജെ തോമസ്, ജനറൽ സെക്രട്ടറി ബിജു ജോസി, ഗ്ലോബൽ ഫോറം കൺവീനർ ആൻറണി നൊറോണ, ദുബായ് ലാറ്റിൻ കാത്തലിക് കമ്മ്യൂണിറ്റി ഭാരവാഹികളായ മരിയദാസ് കെ, ടോമി വർഗീസ്, സ്റ്റീഫൻ ജോർജ്ജ്, ബിബിയാൻ ടി ബാബു, ജോസ് ജെറോണി, ജാക് ജോസഫ്, യൂജിൻ മൊറൈസ്, ആൻറണി മുണ്ടക്കൽ, തുടങ്ങിയവർ പ്രസംഗിച്ചു.
Related Articles
ചോർന്നുപോകുന്ന മനുഷ്യാവകാശ മൂല്യങ്ങൾ പുനഃസ്ഥാപിക്കണം
ചോർന്നുപോകുന്ന മനുഷ്യാവകാശ മൂല്യങ്ങൾ പുനഃസ്ഥാപിക്കണം വത്തിക്കാന്‍റെ പ്രതിനിധി, ആർച്ചുബിഷപ്പ് പോൾ ഗ്യാലഹർ യു.എൻ. മനുഷ്യാവകാശ കൗൺസിലിൽ… 1. യു.എൻ. മനുഷ്യാവകാശ കൗൺസിൽ മനുഷ്യാവകാശത്തിന്‍റെ മൂല്യങ്ങൾ കാലക്രമത്തിൽ ചോർന്നുപോകുന്നുണ്ടെന്ന്
പരസ്പരം തുണച്ചും സഹായിച്ചും ഒത്തൊരുമിച്ചു മുന്നേറുക:ഫ്രാൻസീസ് പാപ്പാ
പരസ്പരം തുണച്ചും സഹായിച്ചും ഒത്തൊരുമിച്ചു മുന്നേറുക : ഫ്രാൻസീസ് പാപ്പാ. വത്തിക്കാൻ : കെനിയയുടെ തലസ്ഥാനമായ നയ്റോബിയിലെ കിഴക്കെ ആഫ്രിക്കൻ കത്തോലിക്കാ സർവ്വകലാശാലയിൽ ചൊവ്വാഴ്‌ച (19/07/22) ആരംഭിച്ച
“വേഗത്തിൽ രൂപാന്തരപ്പെടുന്ന വംശീയതയെന്ന വൈറസ്…”
“വേഗത്തിൽ രൂപാന്തരപ്പെടുന്ന വംശീയതയെന്ന വൈറസ്…” വത്തിക്കാൻ : വംശീയതയ്ക്ക് എതിരായ ആഗോള ദിനത്തിൽ – മാർച്ച് 21, ഞായറാഴ്ച പാപ്പാ ഫ്രാൻസിസ് ‘ട്വിറ്ററി’ൽ പങ്കുവച്ച സന്ദേശം :
