യുവ വൈദികൻ വാഹനാപകടത്തിൽ മരണമടഞ്ഞു

യുവ വൈദികൻ വാഹനാപകടത്തിൽ

മരണമടഞ്ഞു.

 

ആലപ്പുഴ: ആലപ്പുഴ രൂപതാ വൈദീകൻ ഫാ.റെൻസൺ പൊള്ളയിൽ വാഹനാപകടത്തിൽ മരണമടഞ്ഞു. മെയ് 10-ന് രാവിലെ ഉണ്ടായ ബൈക്ക് അപകടത്തെ തുടർന്ന് അതീവ ഗുരുതരാവസ്ഥയിൽ എറണാകുളം മെഡിക്കൽ ട്രസ്റ്റ് ആശുപത്രിയിലെ തീവ്രപരിചരണ വിഭാഗത്തിൽ പ്രവേശിപ്പിച്ചെങ്കിലും ആന്തരീക അവയവങ്ങൾക്ക്‌ ക്ഷതമേറ്റതിനാൽ അച്ചന്റെ നില കൂടുതൽ വഷളാവുകയും മെയ് 11-ന് രാവിലെ  മരണമടയുകയുമായിരുന്നു.

മെയ് 12-ന് ഉച്ചകഴിഞ്ഞ് 3 മണിക്ക് മൃതസംസ്കാര ശുശ്രൂഷകൾ ആരംഭിക്കും, തുടർന്ന് സേവ്യർ ദേശ് ദേവാലയ സിമിത്തേരിയിൽ സംസ്കരിക്കും.

ആലപ്പുഴ രൂപതയിലെ ചെല്ലാനം സേവ്യർ ദേശ് ഇടവക പൊള്ളയിൽ തോമസിന്റെയും (ഉമ്മച്ചന്റെയും) റോസിയുടെയും മൂന്നു മക്കളിൽ രണ്ടാമത്തെ പുത്രനായി 31-05-1981 ജനിച്ച ഫാ.റെൻസൺ 18-04-2009- ൽ ബിഷപ്പ് സ്റ്റീഫൻ അത്തിപ്പൊഴിയിനിന്ന് തിരുപ്പട്ടം സ്വീകരിക്കുകയും സ്റ്റീഫൻ പിതാവിന്റെ സെക്രട്ടറി, രൂപതാ വൈസ് ചാൻസിലർ, ബിഷപ്പ്സ് കൂരിയ നോട്ടറി, കാത്തലിക് ലൈഫ് എഡിറ്റർ, ജീസസ് ഫ്രട്ടേണിറ്റി രൂപതാ ഡയറക്ടർ, ആലപ്പുഴ രൂപതാ മതബോധന കേന്ദ്രം (സുവിശേഷ ഭവൻ) ഡയറക്ടർ ആലപ്പുഴ മോർണിങ് സ്റ്റാർ സ്കൂൾ മാനേജർ, സെന്റ് പീറ്റേഴ്സ് ഇടവക സഹവികാരി തുടങ്ങിയ നിലകളിൽ സേവനം അനുഷ്ട്ടിച്ചിട്ടുണ്ട്.

ബാംഗ്ലൂർ ധർമ്മരാമം വിദ്യാക്ഷേത്രത്തിൽ കാനോൻ നിയമ വിദ്യാർത്ഥിയായ ഫാ.റെൻസൺ അവധിക്ക്‌ നാട്ടിൽ എത്തുകയും മെയ് 5 മുതൽ അഴിക്കൽ സെന്റ് ഫ്രാൻസിസ് സേവ്യർ ദേവാലത്തിൽ താൽകാലിക വികാരിയായി സേവനം അനുഷ്ഠിച്ച് വരികയായിരുന്നു.


Related Articles

“മുള്ളുകള്‍ ശിരസ്സില്‍ ആഴ്ന്നതും നിന്‍ ശിരസ്സുയരുവാനല്ലയോ”.

“മുള്ളുകള്‍ ശിരസ്സില്‍ ആഴ്ന്നതും നിന്‍ ശിരസ്സുയരുവാനല്ലയോ”. കൊച്ചി.: കെ.സി.വൈ.എം വരാപ്പുഴ അതിരൂപതയുടെ നേതൃത്വത്തിൽ വിശുദ്ധവാര ഒരുക്കമായി യേശുവിന്‍റെ പീഡാനുഭവ ചരിത്രം ഉൾക്കൊണ്ടുകൊണ്ട് പീഡാസഹനയാത്ര നടത്തി. സെന്റ് ഫ്രാൻസീസ്

കേരള ലത്തീൻ മെത്രാൻ സമിതിയുടെ (KRLCBC) യൂത്ത് അവാർഡ് ശ്രീ. ഷൈൻ ആന്റണിക്ക്

കേരള ലത്തീൻ മെത്രാൻ സമിതിയുടെ (KRLCBC) യൂത്ത്  അവാർഡ് ശ്രീ. ഷൈൻ ആന്റണിക്ക്.   കൊച്ചി : കേരള കത്തോലിക്ക യുവജന പ്രസ്ഥാനമായ കെ.സി.വൈ.എം ന്റെ സംസ്ഥാന

പരിശുദ്ധ വല്ലാർപാടത്തമ്മയുടെ 500 വർഷം പഴക്കമുള്ള തിരുച്ചിത്രം പുന:പ്രതിഷ്ഠയ്ക്കായി അൾത്താരയിലേക്ക്

പരിശുദ്ധ വല്ലാർപാടത്തമ്മയുടെ 500 വർഷം പഴക്കമുള്ള തിരുച്ചിത്രം പുന:പ്രതിഷ്ഠയ്ക്കായി അൾത്താരയിലേക്ക് വല്ലാർപാടം: ചരിത്രപ്രസിദ്ധമായ വല്ലാർപാടം ബസിലിക്കയുടെ പ്രധാന അൾത്താരയിൽ സ്ഥാപിച്ചിരുന്ന 500 വർഷങ്ങൾക്ക് മേൽ പഴക്കമുള്ള പരിശുദ്ധ

No comments

Write a comment
No Comments Yet! You can be first to comment this post!

Write a Comment

<