2021 മെയ് 7 -ആം തീയതി ഉപവാസ പ്രാർത്ഥനാദിനം :

2021 മെയ് 7 -ആം തീയതി ഉപവാസ പ്രാർത്ഥനാദിനം :

ആർച്ച്ബിഷപ് ഡോ. ജോസഫ് കളത്തിപ്പറമ്പിൽ

കൊച്ചി : കോവിഡ് 19 മഹാവ്യാധി നമ്മുടെ രാജ്യത്തു കൊടുങ്കാറ്റുപോലെ പടർന്നു പിടിച്ചുകൊണ്ടിരിക്കുന്ന ഈ സമയത്തു രാജ്യത്തിൻറെ മുഴുവൻ സൗഖ്യത്തിനായി മെയ് 7 -ആം തീയതി വെള്ളിയാഴ്ച ഉപവാസ പ്രാർത്ഥന ദിനമായി ആചരിക്കാൻ ഭാരത കത്തോലിക്ക മെത്രാൻ സമിതിയും , കേരള കത്തോലിക്ക മെത്രാൻ സമിതിയും ആഹ്വാനം ചെയ്തതിന്റെ പശ്ചാത്തലത്തിൽ വരാപ്പുഴ അതിരൂപതയിലും അന്നേ ദിവസം ഉപവാസ പ്രാർത്ഥനാദിനമായി ആചരിക്കാനും എല്ലാവരുടെയും സൗഖ്യത്തിനായി പ്രാർത്ഥിക്കാനും വരാപ്പുഴ അതിരൂപത മെത്രാപോലിത്ത ഡോ. ജോസഫ് കളത്തിപ്പറമ്പിൽ നിർദ്ദേശം നൽകി.

കോവിഡ് 19 മഹാവ്യാധി മനുഷ്യ കരങ്ങൾക്ക് നിയന്ത്രിക്കാൻ കഴിയാത്തവിധം പ്രബലപ്പെടുന്ന ഈ അവസരത്തിൽ എല്ലാവരും ദൈവത്തിന്റെ പക്കലേക്കു കണ്ണുകൾ ഉയർത്തണമെന്ന് ആർച്ച്ബിഷപ് പറഞ്ഞു . നമ്മുടെ രാജ്യവും ലോകവും ഇന്ന് വരെ കാണാത്ത അവസ്ഥകളിലൂടെയാണ് കടന്നു പോകുന്നത്. അതിനാൽ തന്നെ ഭരണാധികാരികൾ നമ്മുടെ നന്മക്കുവേണ്ടി നൽകുന്ന നിർദ്ദേശങ്ങൾ പാലിക്കാൻ നമ്മൾ കടപ്പെട്ടവരാണെന്നു അദ്ദേഹം പറഞ്ഞു . ഈ ദുർഘടമായ അവസ്ഥയിൽ കോവിഡ് മൂലം ദുരിതമനുഭവിക്കുന്നവർക്ക് വേണ്ടി പ്രാർത്ഥിക്കുന്നതോടൊപ്പം നമ്മെ നയിക്കുന്ന ഭരണാധികാരികൾക്കും , ആരോഗ്യപ്രവർത്തകർക്കും , നിയമപാലകർക്കും വേണ്ടിയും നമ്മുടെ പ്രാർത്ഥനയുടെ കരങ്ങൾ ദൈവസന്നിധിയിൽ ഉയരണമെന്നു ആർച്ച്ബിഷപ് പറഞ്ഞു .

admin

More articles by admin